Προβολή Τραγουδιού

Τον Χάρον να εντάμωνα

Εφέκα μάναν και αδέλφι͜α/Τον Χάρον να εντάμωνα

Στιχουργοί: Λάμπης Αναστασιάδης, Σοφία Παπαδοπούλου

Εθέλ’να να εντάμωνα
τον Χάρον σ’ έναν άκραν
Θα έλεγα τον σφάλματα
να μη ευτάει απ’ άκραν

Με τη σειράν να τοπλαεύ’
τ’ εμέτερα τα ψ̌όπα
Να μη αφήν’ ηλικιωμέντς
και κουβαλεί παιδόπα

Χάρε, να ποδεδίζω σε
για τέρεν τα αρχεία σ’
Κι όσους ’κι παίρ’νε σύνταξην
νέβ’σον ας σα χαρτία σ’

Γλωσσάρι

Κείμενο	Επεξήγηση	Ετυμ. Ρίζα
άκραν	άκρη
αφήν’	αφήνει
εθέλ’να	ήθελα
εμέτερα	δικά μου/μας
ευτάει	κάνει, φτιάχνει	εὐθειάζω
’κι	δεν	ουκί<οὐχί
να ποδεδίζω	να χαρώ κπ
νέβ’σον	σβήσε (προστ.)
παίρ’νε	παίρνουν
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
τέρεν	κοίταξε (προστ.)
τοπλαεύ’	μαζεύω/ει, συγκεντρώνω/ει	toplamak
ψ̌όπα	ψυχούλες