’Σ σ’ όλια τα πετούμενα

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Έι! Ακείνον που ’κ’ εξέρ’
και πάει κατηγορά με
’Κι ’ξέρ’ ας σα τερτόπα μ’
για να παρηγορά με

Εγώ -ν- άλλον ’κ’ έρχουμαι
και άλλο ’κι δι͜αβαίνω
Δι͜αβάτες αν δι͜αβαίνω
μονήν άλλο ’κι μένω

’Σ σ’ όλια τα πετούμενα
ο ψύλλον έχ̌’ τη χάρη
Κοκκινίζ’ την έμορφον
κι απ’ όθεν θέλει δάκει

Σύρον άν’ και σύρον κα’
το φιστάν’ σο γιάν’ απάν’
Ο Θεός την ψ̌η μ’ να παίρ’
σ’ άσπρον το κιορτάν’ -τ- σ’ απάν’

Γλωσσάρι

Κείμενο	Επεξήγηση	Ετυμ. Ρίζα
άν’	άνω, πάνω, άνωθεν
απάν’	πάνω
γιάν’	πλάι, πλευρά	yan
δάκει	δαγκώνει
δι͜αβαίνω	(για τόπο) περνώ, διασχίζω, (για χρόνο) περνώ	διαβαίνω
έμορφον	όμορφο
εξέρ’	ξέρω/ει, γνωρίζω/ει
έρχουμαι	έρχομαι
έχ̌’	έχει
’κ’	δεν	οὐκί<οὐχί
κα’	κάτω
’κι	δεν	οὐκί<οὐχί
κιορτάν’	λαιμός	gerdan/gerden
μονήν	διαμονή, διανυκτέρευση
όθεν	όπου, οπουδήποτε, σε όποιον
όλια	όλα
παίρ’	παίρνω/ει
’ς	(ας) από
σύρον	(προστ.) σύρε, τράβα, ρίξε
τερτόπα	(υποκορ.) καημοί, βάσανα, στενοχώριες	dert
φιστάν’	φουστάνι	fistan<fustān
ψ̌η	ψυχή