Οι Πόντιοι

Προβολή Τραγουδιού

Καλλιτέχνες: Γιάννης Τσανάκαλης, Μέλη Ραμπίδου, Χρήστος Ραμπίδης

Οι Πόντιοι, οι Πόντιοι
είναι καλά παιδία
Χορεύ’νε, πίνουν μαζί,
γλεντούνε μερακλία

Οι Πόντιοι, οι Πόντιοι,
οι Πόντιοι, καλά παιδία
Πρώτοι σην παλληκαριά,
πρώτοι ση φιλοτιμία

Άμον αδέλφα̤ είναι
σο τραπέζι ντ’ -ε- πίν’νε
Για τα γλέντια τ’ έμορφα
πολλά παράδες δίν’νε

Οι Πόντιοι, οι Πόντιοι,
οι Πόντιοι, καλά παιδία
Πρώτοι σην παλληκαριά,
πρώτοι ση φιλοτιμία

Χορεύ’νε και τραγωδούν
και κρούγ’νε τα ποτήρι͜α
Σα κορτσόπα τ’ έμορφα
ευτάν’ πολλά χατίρι͜α

Οι Πόντιοι, οι Πόντιοι,
οι Πόντιοι, καλά παιδία
Πρώτοι σην παλληκαριά,
πρώτοι ση φιλοτιμία

Για την πατρίδαν σ’ άψιμον
’κι φοούντανε ρούζ’νε
Και για τον φίλον την ψ̌ην,
δίγ’νε ατείν’ και ’κι τσ̌ούζ’νε

Οι Πόντιοι, οι Πόντιοι,
οι Πόντιοι, καλά παιδία
Πρώτοι σην παλληκαριά,
πρώτοι ση φιλοτιμία

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατείν’	αυτοί
άψιμον	φωτιά
δίγ’νε	δίνουν
δίν’νε	δίνουν
έμορφα	όμορφα
ευτάν’	κάνουν, φτιάχνουν	εὐθειάζω
’κι	δεν	οὐκί<οὐχί
κορτσόπα	κοριτσάκια
κρούγ’νε	χτυπούνε	κρούω
μερακλία	με μεράκι, με ιδιαίτερο ζήλο	meraklı/merāḳ
παιδία	παιδιά
παράδες	λεφτά, χρήματα	para/pāre
πίν’νε	πίνουν
πολλά	(επίθ.) πολλά, (επίρρ.) πολύ
ρούζ’νε	πέφτουν
τραγωδούν	τραγουδάνε
τσ̌ούζ’νε	λυπούνται, συμπονούν	σίζω
φοούντανε	φοβούνται
χορεύ’νε	χορεύουν
ψ̌ην	ψυχή