Ο γραμματισμένον

Προβολή Τραγουδιού

Καλλιτέχνες: Γιάννης Τσανάκαλης, Μέλη Ραμπίδου, Χρήστος Ραμπίδης

Έι! νασάν εμέν, ντ’ εποίν’να,
γράμματα πουθέν ’κ’ εφήν’να
Τα σχολεία, τα βιβλία,
χρόνια απάν’ κέσ’ σα θρανία

Εγένουμ’νε σπουδαγμένον
και πολλά πουγαλεμένον
Ας όψεται η κοινωνία,
που ’κ’ ευρήκω ξάι δουλεία

Εγένουμ’νε σπουδαγμένον,
με πτυχία φορτωμένον
Δουλεύω σα καφενεία,
ξάι ’κ’ επήα σα γιαπία

Εγένουμ’νε σπουδαγμένον
και πολλά πουγαλεμένον
Ας όψεται η κοινωνία,
που ’κ’ ευρήκω ξάι δουλεία

Έκιτι χαμένα χρόνια
τα παιδία που σπουδάζ’νε!
Τα ονέρ’τα και τα εμέκια
σον αέραν όλια πάνε

Εγένουμ’νε σπουδαγμένον
και πολλά πουγαλεμένον
Ας όψεται η κοινωνία,
που ’κ’ ευρήκω ξάι δουλεία

Κι αναμέν’νε κι αναμέν’νε
με βαρύπονον καρδίαν
Τον διορισμόν περ’μέν’νε
που ’κι θα έρ’ται καμίαν

Εγένουμ’νε σπουδαγμένον
και πολλά πουγαλεμένον
Ας όψεται η κοινωνία,
που ’κ’ ευρήκω ξάι δουλεία

Γλωσσάρι

Κείμενο	Επεξήγηση	Ετυμ. Ρίζα
αναμέν’νε	περιμένουν, αναμένουν
απάν’	πάνω
δουλεία	δουλειά, εργασία
εγένουμ’νε	έγινα
έκιτι	έκφραση αναπόλησης που υποδηλώνει νοσταλγία για κάτι παρελθοντικό	hey gidi
εμέκια	κόποι, μόχθοι, προσπάθειες	emek
εποίν’να	έκανα, έφτιαχνα	ποιέω-ῶ
έρ’ται	έρχεται
ευρήκω	βρίσκω
εφήν’να	άφηνα
’κ’	δεν	οὐκί<οὐχί
καμίαν	ποτέ
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
νασάν	χαρά σε
ξάι	καθόλου
όλια	όλα
ονέρ’τα	όνειρα
παιδία	παιδιά
περ’μέν’νε	περιμένουν
πολλά	(επίθ.) πολλά, (επίρρ.) πολύ
πουγαλεμένον	σκασμένο/η, βαριεστημένο/η, στενοχωρημένο/η	bunalma
πουθέν	πουθενά