Προβολή Τραγουδιού

Τ’ ομμάτι͜α σ’ τα ολήμαυρα

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Χαρέστεν τον καιρόν εσούν
παντέρημα πουλία
Νασάν που ζει και χ̌αίρεται
κι ελέπ’ σας αλλομίαν

Εσείν, πουλία τ’ ουρανού
ποίστε ’με συντροφίαν
Τραγώδεσεν τ’ αρνόπο μου
κι έφαεν την καρδία μ’

Τραγώδ’ εσύ το παλληκάρ’
κι εγώ ας αφουκρούμαι
Σύρον τα λόγια τη σεβντάς
κι εγώ -ν- ας παλαλούμαι

Αν αποθάνω, γιαβρόπο μ’,
φόρ’ το μαύρον το τσ̌ίτι σ’
Ο Θεός να δί’ σε υπομονήν
εκολλίεν τ’ οσπίτι σ’

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
αποθάνω	πεθαίνω
αρνόπο	αρνάκι, χαϊδευτική προσφώνηση γυναίκας
αφουκρούμαι	αφουγκράζομαι
γιαβρόπο	μωράκι, μικρούλι, παιδάκι	yavru + -όπον
δί’	δίνει
εκολλίεν	πήρε φωτιά, καταστράφηκε ολοσχερώς
ελέπ’	βλέπει/βλέπω
εσείν	εσείς
έφαεν	έφαγε
νασάν	χαρά σε
παλαλούμαι	τρελαίνομαι
ποίστε	κάντε, φτιάξτε (προστ.)
σεβντάς	αγάπης, έρωτα	sevda/sevdā
σύρον	σύρε, τράβα, ρίξε (προστ.)
τραγώδ’	τραγούδησε (προστ.)
τσ̌ίτι	μαντίλι κεφαλής	çit
φόρ’	φόρεσε (προστ.)
χαρέστεν	χαρείτε (προστ.)