Τσ̌οπάνον

Προβολή Τραγουδιού

Παραδοσιακά τραγούδια της Σάντας του Πόντου

Καλλιτέχνες: Χαράλαμπος Εφραιμίδης, Χρήστος Τσενεκίδης

Τσ̌οπάνε μ’, ντό γιοσμάς είσαι!
Νασάν που παίρ’ σε -ν- άντραν!
Άφ’ς ατα κ’ έλα μετ’ εμέν,
τα πρόγατα σ’ ’κι χάν’νταν

Τσ̌οπάνε μ’, ντό γιοσμάς είσαι!
Κατήβα ας σα ραχ̌ία
Κανείται τ’ εντώκανε σε
τα χ̌ιόνι͜α και βρεχ̌ία

Τ’ αιΐδι͜α εξέβαν σο ραχ̌ίν,
ο τσ̌οπάνον σ̌υρίζει
Νασάν ατόν, νε παιδία
τιδέν πώς ’κι νουνίζει

Έπαρ’ εσύ τα πρόγατα
κι εγώ ας παίρω τ’ αρνία
Έρχουμες κι ανταμώνουμε
ση Σάντας τα ραχ̌ία

Γλωσσάρι

Κείμενο	Επεξήγηση	Ετυμ. Ρίζα
αιΐδι͜α	κατσίκες
ατα	αυτά
άφ’ς	(προστ.) άφησε
βρεχ̌ία	βροχές
γιοσμάς	κομψός, λεβέντης νέος	yosma
εντώκανε	χτύπησαν
εξέβαν	βγήκαν
έπαρ’	(προστ.) πάρε
έρχουμες	ερχόμαστε
κανείται	φτάνει, είναι αρκετό
κατήβα	(προστ.) κατέβα
’κι	δεν	οὐκί<οὐχί
μετ’	μαζί με (με αιτιατική), με (τρόπος)
νασάν	χαρά σε
νουνίζει	σκέφτεται
παιδία	παιδιά
παίρ’	παίρνω/ει
παίρω	παίρνω
πρόγατα	πρόβατα
ραχ̌ία	ράχες, βουνά
ραχ̌ίν	βουνό, ράχη
σ̌υρίζει	σφυρίζει	σῦριγξ
τιδέν	τίποτα
χάν’νταν	χάνονται, διώχνονται