Ανασακιάζομε

Προβολή Τραγουδιού

Παραδοσιακά τραγούδια της Σάντας του Πόντου

Καλλιτέχνες: Χαράλαμπος Εφραιμίδης, Χρήστος Τσενεκίδης

Η κόρ’ εδέκεν το νερόν
κι εκατήβεν στ’ αμπέλια
’ποίκεν σταφύλια νόστιμα
γλυκέα κι άμον μέλια

Ανασακιάζομε
Έρχουμες επεκεί αδά
κι ανασακιάζομε
Εμείς τον εαυτόν εμουν
καν’νάν ’κι φάζομε

Αβούτο η τραβωδία
έν’ τη Χατζηπαραδή -νι
Εκείνος ξαν επέθανεν
τη μάναν ατ’ ν’ αηλί -νι

Ανασακιάζομε
Έρχουμες επεκεί αδά
κι ανασακιάζομε
Εμείς τον εαυτόν εμουν
καν’νάν ’κι φάζομε

Που είναι Χατζηπαραδή
ντο εποίν’νες τα κέφι͜α;
Έτρωετεν κι έπινετεν
εσείν άμον αδέλφι͜α

Ανασακιάζομε
Έρχουμες επεκεί αδά
κι ανασακιάζομε
Εμείς τον εαυτόν εμουν
καν’νάν ’κι φάζομε

Ο Χατζηπαραδής έτον
και -ν- ας σοι Κυρτογλάντας
Χωρίς ατόν ’κ’ εγίνουσαν
βαφτίσι͜α και χαράντας

Ανασακιάζομε
Έρχουμες επεκεί αδά
κι ανασακιάζομε
Εμείς τον εαυτόν εμουν
καν’νάν ’κι φάζομε

Γλωσσάρι

Κείμενο	Επεξήγηση	Ετυμ. Ρίζα
αβούτο	αυτό
αδά	εδώ
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άμον	σαν, όπως, καθώς	ἅμα
ανασακιάζομε	ανακινούμε, τινάζουμε τα σακιά για να χωρέσουν περισσότερα πράγματα	ανά+σακίζω
γλυκέα	(επιρρ.) γλυκά
εγίνουσαν	γίνονταν
εδέκεν	έδωσε
εκατήβεν	κατέβηκε
εμουν	μας
έν’	είναι
επέθανεν	πέθανε
επεκεί	από εκεί, από τότε, ύστερα, κατόπιν
έπινετεν	πίνατε
εποίν’νες	έκανες, έφτιαχνες	ποιέω-ῶ
έρχουμες	ερχόμαστε
εσείν	εσείς
έτον	ήταν
έτρωετεν	τρώγατε
’κ’	δεν	οὐκί<οὐχί
καν’νάν	κανέναν
’κι	δεν	οὐκί<οὐχί
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξαν	πάλι, ξανά
’ποίκεν	(εποίκεν) έκανε, έφτιαξε	ποιέω-ῶ
σοι	στους/στις, τους/τις
τραβωδία	τραγούδι
φάζομε	ταΐζουμε
χαράντας	χαρές, γάμοι