Προβολή Τραγουδιού

Ο Καραμήσ̌ον

Παραδοσιακά τραγούδια της Σάντας του Πόντου

Καλλιτέχνες: Χαράλαμπος Εφραιμίδης, Χρήστος Τσενεκίδης

Ο Καραμήσ̌ον τα τενεκέδας
κρούει ατα μελωδικά
Ατός έτον και Σαντέτες
ας σ’ απάν’ τη μαχαλάν

Ο Καραμήσ̌ον τα τενεκέδας
εντούνεν μελωδικά
Ατός έτονε χαζνιαπέρτς -ι
όσα ’ίν’ντονε χαρά

Πού είσαι Καραμήσ̌ον
και Νικόλα Αληματά;
Άλλο ’κι χαζνιαπέρει
απέσ’ σην Νέαν Σαντάν

Που είσαι Καραμήσ̌ον
και Νικόλα Αληματά;
Όσα πίν’ αραεύ’ σας
ο Θεόφιλον τ’ Ασλάν’

Που είσαι Καραμήσ̌ον
και Νικόλα Αληματά;
Αραεύ’ σας ο κόσμον
κι όλεν η Νέα Σαντά

Ο Καραμήσ̌ον εγεννέθεν
κι έχομε τρανόν χαράν
Θα σύρ’ τα κοτσαγγέλια
απέσ’ ση Νέα Σαντά

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
αραεύ’	ψάχνω/ει, αναζητώ/άει, γυρεύω/ει	aramak
ατα	αυτά
εγεννέθεν	γεννήθηκε
εντούνεν	χτυπούσε
έτον	ήταν
έτονε	ήταν
έχομε	έχουμε
’ίν’ντονε	γίνονταν
’κι	δεν	ουκί<οὐχί
κρούει	χτυπάει
μαχαλάν	γειτονιά	mahalle/maḥalle
όλεν	όλη/ο, ολόκληρη/ο
όσα	όσες φορές
πίν’	πίνει
σύρ’	σύρω/ει, τραβάω/ει, ρίχνω/ει
τενεκέδας	τενεκέδες	teneke/tanaka