Προβολή Τραγουδιού
Σ’ εμέτερον το χωρίον |
Τα καρσλίδικα του ΓιωρίκαΣτιχουργοί: Γεώργιος Αλεξανδρίδης
Συνθέτες: Γεώργιος Αλεξανδρίδης
Καλλιτέχνες: Θέμης Ξανθόπουλος, Μάκης Γαργαϊτίδης, Χρήστος Ιωαννίδης
Σ’ εμέτερον το χωρίον έχομε έναν σεβταλήν Λάσ̌κεται όλιον τη νύχταν χάμ’ τόπον πουδέν ’κι αφήν’ Χαρεντερίζ’ τα κορτσόπα κι ατά ’κι κοιμούντανε Δίν’ν’ ωτίν σα τραγωδίας κι ατόν αφουκρούντανε Σ’ εμέτερον το χωρίον και -ν- ατός ο σεβταλής Έγρασεν πολλά παπούτσ̌ι͜α σα κορίτσ̌ι͜α απ’ οπίσ’ Χαρεντερίζ’ τα κορτσόπα κι ατά ’κι κοιμούντανε Δίν’ν’ ωτίν σα τραγωδίας κι ατόν αφουκρούντανε Τα κορτσόπα σο χωρίον λέν’, γελούνε μετ’ ατόν Κι άμον ντ’ έρ’ται εκείν’ η ώρα αφήν’ν’ α̤τον μαναχόν Χαρεντερίζ’ τα κορτσόπα κι ατά ’κι κοιμούντανε Δίν’ν’ ωτίν σα τραγωδίας κι ατόν αφουκρούντανε Σ’ εμέτερον το χωρίον ούλι͜α αγνά και θαμαστά Τα κορίτσ̌ι͜α ’κ’ είν’ ατώρα άμον ντ’ έταν εμπροστά Χαρεντερίζ’ τα κορτσόπα κι ατά ’κι κοιμούντανε Δίν’ν’ ωτίν σα τραγωδίας κι ατόν αφουκρούντανε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγνά | αξιοθαύμαστα, περίεργα | ||
| άμον | σαν, όπως, καθώς | ἅμα | |
| ατά | αυτά | ||
| ατός | αυτός | ||
| ατώρα | τώρα | ||
| αφήν’ | αφήνει | ||
| αφουκρούντανε | αφουγκράζονται | ||
| δίν’ν’ | δίνουν | ||
| έγρασεν | έφθειρε, έλιωσε | γράνω/γραίνω (=ροκανίζω, κατατρώγω) | |
| είν’ | (για πληθ.) είναι | ||
| εκείν’ | εκείνοι/α | ||
| εμέτερον | δικός/ή/ό μου | ἡμέτερος | |
| εμπροστά | μπροστά, πρωτύτερα | ||
| έρ’ται | έρχεται | ||
| έταν | ήταν | ||
| έχομε | έχουμε | ||
| θαμαστά | θαυμαστά | ||
| ’κ’ | δεν | οὐκί<οὐχί | |
| ’κι | δεν | οὐκί<οὐχί | |
| κοιμούντανε | κοιμούνται | ||
| κορτσόπα | κοριτσάκια | ||
| λάσ̌κεται | περιφέρεται, τριγυρνά, περιπλανιέται | ἀλάομαι/ηλάσκω | |
| μαναχόν | (έναρθρο) μοναχός, μοναχό, (επίρρ) μόνο/μοναχά | ||
| μετ’ | μαζί με (με αιτιατική), με (τρόπος) | ||
| όλιον | όλο, ολόκληρο | ||
| οπίσ’ | πίσω | ||
| ούλι͜α | όλα | ||
| πολλά | (επίθ.) πολλά, (επίρρ.) πολύ | ||
| πουδέν | πουθενά | ||
| σεβταλήν | ερωτοχτυπημένο, ερωτευμένο | sevdalı | |
| σεβταλής | ερωτοχτυπημένος, ερωτευμένος | sevdalı | |
| τραγωδίας | τραγούδια | ||
| χάμ’ | αδούλευτο, ακατέργαστο, αγύμναστο | ham/ḫām | |
| χαρεντερίζ’ | χαροποιώ/εί, ψυχαγωγώ/εί | ||
| ωτίν | αυτί |
