Κόψον τα πέντε δάχτυλα μ’

Προβολή Τραγουδιού

Καλλιτέχνες: Γιάννης Χατζημιχαηλίδης, Κώστας Σιαμίδης

Κόψον τα πέντε δάχτυλα μ’
και με το μαχ̌αιρόπο σ’
Βάλεν και φύλαξον ατα
αφκά σο σπαρελόπο σ’
Είπα, μα την Παναΐαν!

Χάραξεν κι η ανατολή,
’σ̌κίαξαν τα ραχ̌ία
Άλλο ’κ’ είδα, μα τον Θεόν,
αΐκα -ν- άσπρα ψ̌ήα!
Είπα, μα την Παναΐαν!

Σα χ̌είλια σ’ έ͜εις το γιατρικόν,
πουλί μ’, θα φαρμακούμαι
Για δος μα ένα φίλεμαν
να λαρούμαι και σ’κούμαι
Είπα, μα την Παναΐαν!

Ποίσον υιόν Τραντέλλενα
και νύφεν γαλαφόραν
Ωρι͜άστεν, οσπιτι͜ανοί,
μη κλέφτ’ ατεν η χώρα
Είπα, μα την Παναΐαν!

Γλωσσάρι

Κείμενο	Επεξήγηση	Ετυμ. Ρίζα
αΐκα	τέτοια/ες
ατα	αυτά
ατεν	αυτήν
αφκά	κάτω
βάλεν	(προστ.) βάλε
γαλαφόραν	κυρ. αυτή που φέρει γάλα, η εύρωστη, υγιής γυναίκα (πρόσφορη για να βυζάξει/αναθρέψει παιδιά)
δος	δώσε
δος μα	δώσε μου
έ͜εις	έχεις
’κ’	δεν	οὐκί<οὐχί
κλέφτ’	κλέβω/ει
κόψον	(προστ.) κόψε
λαρούμαι	γιατρεύομαι, θεραπεύομαι
μαχ̌αιρόπο	μαχαιράκι
νύφεν	νύφη
οσπιτι͜ανοί	οι του σπιτιού, οικείοι	hospitium<hospes
ποίσον	(προστ.) κάνε, φτιάξε	ποιέω, ποιῶ
ραχ̌ία	ράχες, βουνά
’σ̌κίαξαν	σκιάχτηκαν
σ’κούμαι	σηκώνομαι
σπαρελόπο	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
φαρμακούμαι	φαρμακώνομαι
φίλεμαν	φιλί
φύλαξον	(προστ.) φύλαξε
χώρα	οι ξένοι γενικά, οι μη οικείοι, η ξενιτειά
ψ̌ήα	ψυχές, η περιοχή του στέρνου, τα εσώψυχα
ωρι͜άστεν	(προστ.) πρόσεξτε, φύλαξτε, φυλαχτείτε