Προβολή Τραγουδιού
Γουρπάν’ σ’ ομμάτι͜α σ’ τ’ έμορφα |
Ποντίων ΑπάνθισμαΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιώργος Σοφιανίδης, Κώστας Σιαμίδης
Γουρπάν’ σ’ ομμάτι͜α σ’ τ’ έμορφα όθεν τερούν γελούνε Ατά ομοι͜άζ’ν τραντάφυλλα, Μάρτη κι Απρίλ’ ντ’ ανθούνε Όντες ελέπω σε, γιαβρί μ’, και τ’ ομμάτι͜α μ’ ανοίουν Αούτα τα ψηλά ραχ̌ι͜ά έρχουντανε και σείουν Είδα τ’ ομμάτι͜α σ’, είδα ’τα, είδα ’τα δα̤κρωμένα Φοούμαι γιάμ’ εντώκε σε -ν- η μάνα σ’ για τ’ εμέναν Τρώω τ’ ομμάτι͜α σ’, τρώγ’ ατα μαύρα κι άμον σταφύλια Φίλεμαν ’κι χορτάεται ατού σ’ εσά τα χ̌είλια
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ανοίουν | ανοίγουν | ||
| αούτα | αυτά | ||
| ατά | αυτά | ||
| ατα | αυτά | ||
| ατού | εκεί (σε τόπο ή σημείο που βρίσκεται σε κάποιο απόσταση) | ||
| γιαβρί | μωρό, μικρό, παιδί | yavru | |
| γιάμ’ | μήπως, ή μη | ya/yā + μη | |
| γουρπάν’ | θυσία | kurban/ḳurbān | |
| δα̤κρωμένα | δακρυσμένα | ||
| ελέπω | βλέπω | ||
| έμορφα | όμορφα | ||
| εντώκε | χτύπησε | ||
| έρχουντανε | έρχονται | ||
| εσά | δικά σου/σας | ||
| ’κι | δεν | οὐκί<οὐχί | |
| όθεν | όπου, οπουδήποτε, σε όποιον | ||
| ομμάτι͜α | μάτια | ||
| όντες | όταν | ||
| ραχ̌ι͜ά | ράχες, βουνά | ||
| σείουν | σείονται | ||
| τερούν | κοιτούν | ||
| τραντάφυλλα | τριαντάφυλλα | ||
| τρώγ’ | τρώω | ||
| φίλεμαν | φιλί | ||
| φοούμαι | φοβάμαι | ||
| χορτάεται | χορταίνεται |
