Προβολή Τραγουδιού

Θα αρχινώ τα παλαιά/Να έξερες μικρόν αρνί μ’

Καλλιτέχνες: Κώστας Σιαμίδης, Χρήστος Παρχαρίδης

’Κρέμασα κάμαν και μαχ̌αίρ’
και -ν- εσιλιαχλανεύτα
[και -ν-] αρ’ μετ’ εσέν την έμορφον
πώς εσεβταλανεύτα;

Θα αρχινώ τα παλαιά
ντ’ εποίν’να απ’ ανάρχης
Ατά Δεσπότ’ς ’κι συγχωρά
ούτε και Πατριάρχης

Σα μὲσα σ’ να τυλίουμαι
σου ζωναρί’ σ’ τον τόπον
Σεβνταλούκ’ ’κ’ εγροικάς να ευτάς,
κρίμαν σ’ εμόν τον κόπον

♫

Να έξερες, μικρόν αρνί μ’,
για τ’ εσέν πώς παθάνω!
Ψυχομαχ̌ώ, η ψ̌η μ’ ’κ’ εβγαίν’,
νέ ζω και νέ αποθάνω

Να έξερες, μικρόν αρνί μ’,
και τ’ εμόν την καρδίαν
Από ’πέσ’ ’ς σ’ εγκαλιόπο σου
’κ’ εβγάλλ’νες με καμίαν

Ν’ αηλί εμέν, μανίτσα μου,
η ψ̌η μ’ εκορδυλλιάεν
Τα χρόνια έρθαν κι εδέβανε,
η τύχη μ’ ξάι ’κ’ ελλάεν

Γλωσσάρι

Κείμενο	Επεξήγηση	Ετυμ. Ρίζα
ανάρχης	ανέκαθεν	ἐν ἀρχῇ
αποθάνω	πεθαίνω
ατά	αυτά
εβγαίν’	βγαίνει
εβγάλλ’νες	έβγαζες
εγκαλιόπο	αγκαλίτσα
εγροικάς	καταλαβαίνεις
εδέβανε	(για τόπο) πέρασαν, διέσχισαν (για χρόνο) πέρασαν	διαβαίνω
εκορδυλλιάεν	έγινε κόμπος, μπερδεύθηκε	cordela/corda<χορδή
ελλάεν	άλλαξε
εμόν	δικός/ή/ό μου	ἐμοῦ
έμορφον	όμορφο
έξερες	ήξερες
εποίν’να	έκανα, έφτιαχνα	ποιέω-ῶ
έρθαν	ήρθαν
εσεβταλανεύτα	ερωτεύτηκα	sevdalanmak
εσιλιαχλανεύτα	οπλίστηκα, αρματώθηκα	silahlamak<silāḥ
ευτάς	κάνεις, φτιάχνεις	εὐθειάζω
ζωναρί’	ζώνης
’κ’	δεν	ουκί<οὐχί
κάμαν	δίκοπο μαχαίρι	kama
καμίαν	ποτέ
’κι	δεν	ουκί<οὐχί
μαχ̌αίρ’	μαχαίρι
μὲσα	(τα) η μέση
μετ’	μαζί με (με αιτιατική), με (τρόπος)
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
νέ	ούτε	ne
ξάι	καθόλου
παθάνω	παθαίνω
’πέσ’	(απέσ’) μέσα
’ς	(ας) από
σεβνταλούκ’	έρωτας	sevdalık
τυλίουμαι	τυλίγομαι
ψ̌η	ψυχή
ψυχομαχ̌ώ	ψυχομαχώ, χαροπαλεύω