Αγροτσ̌άλτς

Προβολή Τραγουδιού

Μάνα μ’, θα πάω σ’ Αγροτσ̌άλ’,
σο σπέλιον θα κοιμούμαι
Σ’ οσπίτιν, μάνα μ’, θα ’ρχουμαι/κλώσκουμαι
τοι τουσ̌μάντς ’κι φογούμαι

Φά’ με, το πουλόπο μ’, φά’ με
για τ’ εσέν εγώ θα χάμαι
Αν ίσως λέγω ψέματα,
πουλί μ’, ανάθεμά με

Σα ραχ̌ι͜ά απάν’ πώς λάσκουμαι,
σ’ Αγροτσ̌αλί’ τον τόπον
Κρυφά, μανίτσα μ’, φέρον με
ψωμόπον και νερόπον

Φά’ με, το πουλόπο μ’, φά’ με
για τ’ εσέν εγώ θα χάμαι
Αν ίσως λέγω ψέματα,
πουλί μ’, ανάθεμά με

Τρυγόνα μ’, δέβα σον Α’έρ’,
άψον πολλά κερία
Οι τουσ̌μάν’ αραεύ’νε με,
εγέντανε θερία

Φά’ με, το πουλόπο μ’, φά’ με
για τ’ εσέν εγώ θα χάμαι
Αν ίσως λέγω ψέματα,
πουλί μ’, ανάθεμά με

Γλωσσάρι

Κείμενο	Επεξήγηση	Ετυμ. Ρίζα
Α’έρ’	Αη-Γιώργη
απάν’	πάνω
αραεύ’νε	ψάχνουν, αναζητούν, γυρεύουν	aramak
άψον	(προστ.) άναψε
δέβα	(προστ.) πήγαινε
εγέντανε	έγιναν
θερία	θεριά, θηρία
κερία	κεριά	κηρός
’κι	δεν	οὐκί<οὐχί
κλώσκουμαι	γυρίζω, επιστρέφω
κοιμούμαι	κοιμάμαι
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
νερόπον	νεράκι
πολλά	(επίθ.) πολλά, (επίρρ.) πολύ
πουλόπο	πουλάκι
ραχ̌ι͜ά	ράχες, βουνά
’ρχουμαι	(έρχουμαι) έρχομαι
σπέλιον	σπηλιά
τοι	τους/τις
τουσ̌μάν’	εχθροί	düşman/duşmān
τουσ̌μάντς	εχθρούς	düşman/duşmān
τρυγόνα	το πουλί τρυγόνι, χαϊδευτική προσφώνηση γυναίκας
φά’	(προστ.) φάε
φέρον	(προστ.) φέρε
φογούμαι	φοβάμαι
χάμαι	χάνομαι, μτφ. πεθαίνω