Πολλά ’κι ψαλαφώ σε

Προβολή Τραγουδιού

Πολλά ’κι θέλω, ε! Θεέ μ’,
τ’ ομμάτι μ’ χορτασμένον
μόνον ντ’ ελέπω άνθρωπον
σον κόσμον πονεμένον

Χάρτσον με πέντε φίλτς καλούς
να λένε και γελούνε
Και ν’ ανταμούμες κάποτε
και πάμε εμείς γλεντούμε

Την υεία μ’ δος με, ε! Θεέ μ’,
κι εγώ πάντα αγαπώ Σε
Ατά είν’ τα θελήματα μ’,
πολλά ’κι ψαλαφώ Σε

Γλωσσάρι

Κείμενο	Επεξήγηση	Ετυμ. Ρίζα
ανταμούμες	ανταμώνουμε
ατά	αυτά
δος	δώσε
είν’	(για πληθ.) είναι
ελέπω	βλέπω
’κι	δεν	οὐκί<οὐχί
ομμάτι	μάτι	ὀμμάτιον
πολλά	(επίθ.) πολλά, (επίρρ.) πολύ
υεία	υγεία
φίλτς	φίλους
χάρτσον	(προστ.) χάρισε
ψαλαφώ	ζητώ, αιτούμαι