Προβολή Τραγουδιού
Αγαπώ σε, παλαλούμαι
Ευχ̌ήν ας σον πατέρα σουνΣτιχουργοί: Μάκης Πετρίδης
Συνθέτες: Μάκης Πετρίδης
Καλλιτέχνες: Γεώργιος Ζαπουνίδης, Κώστας Ζαπουνίδης
Το δουκαλόπο σ’ έν’ μικρόν, ’ξ̌άεμαν ξάι ’κι σ’κώνεις Όντας ελέπ’ς με κι έρχουμαι το τιρλούκι σ’ ορθώνεις Αγαπώ σε, παλαλούμαι για τ’ εσέν, πουλί μ’ Λύουμαι άμον κερόπον, πουλί μ’, τη Λαμπρήν Είσαι άμον αγράνεμος ντο κρούει τα δεντρόπα Είσαι άμον κρύον νερόν ντο τρέχ̌’ ας σα κρενόπα Αγαπώ σε, παλαλούμαι για τ’ εσέν, πουλί μ’ Λύουμαι άμον κερόπον, πουλί μ’, τη Λαμπρήν Άμον εκείνον το πουλίν ντο πετά σα κλαδόπα Πετάς αδά, πετάς εκεί και καις πολλά καρδόπα Αγαπώ σε, παλαλούμαι για τ’ εσέν, πουλί μ’ Λύουμαι άμον κερόπον, πουλί μ’, τη Λαμπρήν Άγγελ’ να τραγωδούνε σε, να λέγ’νε τραγωδίας Κι εγώ με τα χ̌ερόπα μου να πλέκω τα μαλλία σ’ Αγαπώ σε, παλαλούμαι για τ’ εσέν, πουλί μ’ Λύουμαι άμον κερόπον, πουλί μ’, τη Λαμπρήν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγράνεμος | άγριος άνεμος | ||
| αδά | εδώ | ||
| άμον | σαν, όπως, καθώς | ||
| δουκαλόπο | (υποκορ.) καπίστρι ζώου | ||
| ελέπ’ς | βλέπεις | ||
| έν’ | είναι | ||
| έρχουμαι | έρχομαι | ||
| καρδόπα | καρδούλες | ||
| κερόπον | κεράκι | ||
| ’κι | δεν | ουκί<οὐχί | |
| κλαδόπα | κλαδάκια | ||
| κρενόπα | μικροί ξύλινοι οχετοί ύδατος, βρυσούλες, μικρές κρήνες | ||
| κρούει | χτυπάει | ||
| λέγ’νε | λένε | ||
| λύουμαι | λιώνω | ||
| ’ξ̌άεμαν | (αξ̌άεμαν) χάιδεμα | okşama | |
| ξάι | καθόλου | ||
| όντας | όταν | ||
| παλαλούμαι | τρελαίνομαι | ||
| πολλά | πολλά (επίθ.), πολύ (επίρ.) | ||
| τιρλούκι | γαλήνη, ηρεμία | dirlik | |
| τραγωδίας | τραγούδια | ||
| τρέχ̌’ | τρέχει | ||
| χ̌ερόπα | χεράκια |