Έρχουμαι ση μαχαλά σ’

Έρχουμαι ση μαχαλά σ’,
τέρεν κι έβγα ας σην οτά σ’
Και μ’ αφήντς με κι αναμένω,
κρύος έν’ κι εγώ περ’μένω

Η σεβντά σ’ έν’ άψιμον,
σην καρδι͜ά μ’ φέρ’ κάψιμον
Με το νερόν ’κι νεβζήν’
τ’ άψιμον ατέ ντ’ αφτύν’

Τ’ αρνί μ’ εμπαίν’ σο χορόν
και τον κόσμον παλαλών’
Έρ’ται και χορεύ’ σο γιάνι μ’,
ατέ εγρίβωσεν απάν’ ι-μ’

Η σεβντά σ’ έν’ άψιμον,
σην καρδι͜ά μ’ φέρ’ κάψιμον
Με το νερόν ’κι νεβζήν’
τ’ άψιμον ατέ ντ’ αφτύν’

Λελεύω σε, κορτσόπον,
έμπα απέσ’ σ’ εγκαλιόπο μ’
Τα σαρία τα μαλλία σ’
πλέκω, θέκ’ ατα σ’ ωμία σ’

Η σεβντά σ’ έν’ άψιμον,
σην καρδι͜ά μ’ φέρ’ κάψιμον
Με το νερόν ’κι νεβζήν’¹
τ’ άψιμον ατέ ντ’ αφτύν’