Σα ταβέρνας λάσκουμαι

Προβολή Τραγουδιού

Καλλιτέχνες: Πόλυς Παυλίδης, Σάββας Ζαπουνίδης

Σα ταβέρνας λάσκουμαι,
πίνω και μέθω
Άλλεν αγκαλιάσκουμαι
κι εσέν αροθυμώ

Τρανόν ο πόνον, νε πουλί μ’,
καλλίον ν’ αποθάνεις!
Άλλο κορτσόπον ν’ αγαπάς
κι άλλεν να έ͜εις σο γιάνι σ’

Σίτι͜α πίνω το ρακί μ’,
σίτι͜α τραγωδώ,
έρχεσαι εσύ σο νου μ’
και μοιρολογώ

Τρανόν ο πόνον, νε πουλί μ’,
καλλίον ν’ αποθάνεις!
Άλλο κορτσόπον ν’ αγαπάς
κι άλλεν να έ͜εις σο γιάνι σ’

Για τ’ εμέν τον έρημον
ήλιος ’κι φωτάζ’
Σο ψ̌όπο μ’ έχω γεράν
κι όλον αίμαν στάζ’

Τρανόν ο πόνον, νε πουλί μ’,
καλλίον ν’ αποθάνεις!
Άλλο κορτσόπον ν’ αγαπάς
κι άλλεν να έ͜εις σο γιάνι σ’

Σα δεντρά τα πουλόπα
άλλο ’κι πετούν
Ας σον πόνο μ’ εγροικούν
και ’κι κελαηδούν

Τρανόν ο πόνον, νε πουλί μ’,
καλλίον ν’ αποθάνεις!
Άλλο κορτσόπον ν’ αγαπάς
κι άλλεν να έ͜εις σο γιάνι σ’

Γλωσσάρι

Κείμενο	Επεξήγηση	Ετυμ. Ρίζα
αγκαλιάσκουμαι	αγκαλιάζω, εναγκαλίζομαι
άλλεν	άλλη
αροθυμώ	νοσταλγώ
γεράν	πληγή, τραύμα	yara
γιάνι	πλάι, πλευρό	yan
έ͜εις	έχεις
εγροικούν	καταλαβαίνουν
καλλίον	(επίθ.) καλύτερο, (επίρ.) καλύτερα
’κι	δεν	οὐκί<οὐχί
κορτσόπον	κοριτσάκι
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
πουλόπα	πουλάκια
ρακί	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σίτι͜α	καθώς, ενώ	σόταν<εις όταν
τραγωδώ	τραγουδάω
φωτάζ’	φωτίζει, λάμπει
ψ̌όπο	ψυχούλα