Λεγνή μ’, πολλά λεγνέσσα

Προβολή Τραγουδιού

Καλλιτέχνες: Μάντης Σαββίδης, Σταύρος Σαββίδης

Νυφόπον είσαι -ν- έμορφον,
[λεγνή μ’, πολλά λεγνέσσα]
νόστιμον είσαι, πουλί μ’!
[πώς κοιμάσαι μαναχέσσα;]
Το μερακλίν το τέρεμα σ’
[λεγνή μ’, πολλά λεγνέσσα]
θα σύρ’ και παιρ’ τ’ αχούλι μ’!
[πώς κοιμάσαι μαναχέσσα;]

Λεγνή μ’, λεγνέσσα μ’,
πώς κείσαι μαναχέσσα;
Τσ̌ούζω σε και πονώ σε, [γιαρ]
ντο είσαι -ν- ορφανέσσα

Εσύ είσαι τ’ εμόν τ’ αρνίν
[λεγνή μ’, πολλά λεγνέσσα]
και το παντοτινόν-ι!
[πώς κοιμάσαι μαναχέσσα;]
Τράνυνον και θα παίρω σε,
[λεγνή μ’, πολλά λεγνέσσα]
είσαι ακόμαν μικρόν-ι!
[πώς κοιμάσαι μαναχέσσα;]

Λεγνή μ’, λεγνέσσα μ’,
πώς κείσαι μαναχέσσα;
Τσ̌ούζω σε και πονώ σε, [γιαρ]
ντο είσαι -ν- ορφανέσσα

Το πόι σ’ λεγνόν κι έμορφον,
[λεγνή μ’, πολλά λεγνέσσα]
τ’ ομμάτι͜α σ’ άμον βόλι͜α!
[πώς κοιμάσαι μαναχέσσα;]
Εχόρτασες φιλέματα,
[λεγνή μ’, πολλά λεγνέσσα]
οφέτος πόλλα̤ πόλλα̤!
[πώς κοιμάσαι μαναχέσσα;]

Λεγνή μ’, λεγνή μ’, λεγνέσσα μ’,
πώς κείσαι μαναχέσσα;
Τσ̌ούζω σε και πονώ σε, [γιαρ]
ντο είσαι -ν- ορφανέσσα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αχούλι	μυαλό	akıl/ʿaḳl
γιαρ	αγαπητός/ή/ό, αγάπη	yâr
εμόν	δικός/ή/ό μου	ἐμοῦ
έμορφον	όμορφο
κείσαι	κείτεσαι, ξαπλώνεις
λεγνέσσα	λιγνή, λιπόσαρκη
λεγνή	λιγνή, λιπόσαρκη
λεγνόν	λιγνό, λεπτό
μαναχέσσα	μονάχη
μερακλίν	μερακλίδικο
νυφόπον	νυφούλα
ομμάτι͜α	μάτια
ορφανέσσα	ορφανή
οφέτος	φέτος
παίρω	παίρνω
πόι	ύψος, μπόι	boy
πολλά	(επίθ.) πολλά, (επίρρ.) πολύ
σύρ’	σύρω/ει, τραβάω/ει, ρίχνω/ει
τέρεμα	βλέμμα
τράνυνον	(προστ.) (αμεταβ.) μεγάλωσε, (μεταβ.) ανέθρεψε	τρανόω-ῶ
τσ̌ούζω	λυπάμαι, συμπονώ	σίζω
φιλέματα	φιλιά