Προβολή Τραγουδιού
Σ’ όνερο μ’
Σ’ όνερο μ’Στιχουργοί: Νίκος Σωτηριάδης
Συνθέτες: Παναγιώτης Χωλόπουλος
Καλλιτέχνες: Παναγιώτης Χωλόπουλος
Βοτρύδι͜α είν’ τα χ̌ειλόπα σ’ γλυκέα άμον μέλι͜α ντ’ ευτάνε τη καρδίας ι-μ’ και σείουν τα τεμέλι͜α Σ’ όνερο μ’ όντες έρχ̌εσαι το βράδον ντο κοιμούμαι ’κι θέλω, αρνί μ’, να εγνεφώ και χάνω σε όντες σ’κούμαι Τον πρόσωπο μ’ ’κι νίφτ’ ατο όντες γλυκοφιλείς με Μη χάν’ τη νοστιμάδαν ατ’ το φίλεμαν ντο δί’ς με Σ’ όνερο μ’ όντες έρχ̌εσαι το βράδον ντο κοιμούμαι ’κι θέλω, αρνί μ’, να εγνεφώ και χάνω σε όντες σ’κούμαι Είσαι ο ήλιον σην ζωή μ’ τ’ ανάσμας ι-μ’ η αέρα Εβγαίντς φωτά͜εις το ψ̌όπο μου κι ευτάς γλυκύν τη μέρα μ’ Σ’ όνερο μ’ όντες έρχ̌εσαι το βράδον ντο κοιμούμαι ’κι θέλω, αρνί μ’, να εγνεφώ και χάνω σε όντες σ’κούμαι
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ||
| βοτρύδι͜α | τσαμπιά | ||
| βράδον | βράδυ | ||
| γλυκέα | (επιρρ.) γλυκά | ||
| γλυκύν | γλυκιά/ό | ||
| δί’ς | δίνεις | ||
| εβγαίντς | βγαίνεις | ||
| εγνεφώ | ξυπνώ | ||
| είν’ | είναι (για πληθ.) | ||
| ευτάνε | κάνουν, φτιάχνουν | εὐθειάζω | |
| ευτάς | κάνεις, φτιάχνεις | εὐθειάζω | |
| καρδίας | (τη, γεν.) καρδιάς, (τα, ονομ. πληθ.) καρδιές | ||
| ’κι | δεν | ουκί<οὐχί | |
| κοιμούμαι | κοιμάμαι | ||
| νίφτ’ | νίψου, πλύσου (προστ.) | ||
| όνερο | όνειρο | ||
| όντες | όταν | ||
| σείουν | σείονται | ||
| σ’κούμαι | σηκώνομαι | ||
| φίλεμαν | φιλί | ||
| φωτά͜εις | φωτίζεις, λάμπεις | ||
| χ̌ειλόπα | χειλάκια | ||
| χάν’ | χάνει, παύει να έχει, διώχνει | ||
| ψ̌όπο | ψυχούλα |