Προβολή Τραγουδιού
Το μαχ̌αιρόπο μ’ δίστομον
Σαντέτ’κα Νο2Στιχουργοί: Παραδοσιακό
Συνθέτες: Παραδοσιακό
Καλλιτέχνες: Μάντης Σαββίδης, Σταύρος Σαββίδης
Το μαχ̌αιρόπο μ’ δίστομον, ακονεμένον κάμαν Τ’ εμόν και τ’ εσόν η σεβντά σον κόσμον τρανόν θάμαν Απάν’ και ση Τσερκόβιαν¹ η δείσα ρούζ’ και σ’κούται Για τ’ εσέν έναν παλληκάρ’ οφέτος θα σκοτούται Χ̌ίλι͜α μαχ̌αίρι͜α σπαθία ση γην να είν’ στρωμένα Πατώ και τσ̌ιγνι͜αεύ’ ατα κι έρχουμαι μετ’ εσέναν Πατώ και προσ̌κυνώ σε και ντό πολλά αγαπώ σε! Αν θέλτς έλα ση Ράχωβαν², αν αρρωσταίντς, τερώ σε -ν Το μαχ̌αιρόπο μ’ δίστομον, τσ̌αλικένο̤ν κομμάτιν Εσέν κορτσόπον έμορφον εσέγκα σε σ’ ομμάτιν Απάν’ και ση Τσερκόβιαν¹ η δείσα ρουζ’ και σκούται Για τ’ εσέν έναν παλληκάρ’ οφέτος θα σκοτούται Έπαρ’, ε! γιαβρί μ’, το μαχ̌αίρ’ έλα, σ̌κίσον και τέρεν Τη καρδίας ι-μ’ το ημ’σόν φωτίαν πώς επέρεν Πατώ και προσ̌κυνώ σε και ντό πολλά αγαπώ σε! Αν θέλτς έλα ση Ράχωβαν², αν αρρωσταίντς, τερώ σε -ν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ακονεμένον | ακονισμένο/η | ||
| απάν’ | πάνω | ||
| ατα | αυτά | ||
| γιαβρί | μωρό, μικρό, παιδί | yavru | |
| δείσα | ομίχλη | δεῖσα=υγρασία, λάσπη, βρωμιά | |
| είν’ | είναι (για πληθ.) | ||
| εμόν | δικός/ή/ό μου | ἐμοῦ | |
| έμορφον | όμορφο | ||
| έπαρ’ | πάρε (προστ.) | ||
| επέρεν | πήρε | ||
| έρχουμαι | έρχομαι | ||
| εσέγκα | έβαλα, εισήγαγα | ||
| εσόν | δικός/ή/ό σου | ||
| ημ’σόν | μισό/η | ||
| θάμαν | θαύμα | ||
| θέλτς | θέλεις | ||
| κάμαν | δίκοπο μαχαίρι | kama | |
| καρδίας | (τη, γεν.) καρδιάς, (τα, ονομ. πληθ.) καρδιές | ||
| κορτσόπον | κοριτσάκι | ||
| μαχ̌αίρ’ | μαχαίρι | ||
| μετ’ | μαζί με (με αιτιατική), με (τρόπος) | ||
| οφέτος | φέτος | ||
| πολλά | πολλά (επίθ.), πολύ (επίρ.) | ||
| ρούζ’ | πέφτει, ρίχνει | ||
| σεβντά | αγάπη, έρωτας | sevda/sevdā | |
| σκοτούται | σκοτώνεται | ||
| σ’κούται | σηκώνεται | ||
| τέρεν | κοίταξε (προστ.) | ||
| τερώ | κοιτώ | ||
| τσ̌αλικένο̤ν | χαλύβδινο | çelik | |
| τσ̌ιγνι͜αεύ’ | καταπατώ/ει, τσαλαπατώ/άει, συνθλίβω/ει κάτι πατώντας το | çiğnemek |
¹ (ή Τσερκόβιαννη) Παλιά ονομασία του χωριού Μικρή Σάντα Ημαθίας ² Παλιά ονομασία του χωριού Ράχη Ημαθίας