Προβολή Τραγουδιού
Αρνόπο μ’ |
Αρνόπο μ’Στιχουργοί: Τάσος Σαββόπουλος
Συνθέτες: Γιώργος Μωυσιάδης
Καλλιτέχνες: Βασίλης Φωλίνας, Γιώργος Μωυσιάδης, Κώστας Ιωαννίδης
Αρνόπο μ’, αρνόπο μ’, το τέρεμα σ’ εμέν θα παλαλών’ Πουλόπο μ’, πουλόπο μ’, νουνίζω σε το βράδ’ ους να μερών’ Τ’ ομμάτι͜α σ’, τ’ ομμάτι͜α σ’, αστρόπα έν’ απάν’ σον ουρανόν Φωτάζ’νε, φωτάζ’νε την καρδία μ’ ατά όντες τερώ Μαχ̌αίριν, μαχ̌αίριν, καρφώντς, πουλί μ’, απέσ’ σο καρδόπο μ’ Φραντάλα μ’, παλάλα μ’, όντες ’κ’ ευρίεσαι σ’ εγκαλιόπο μ’ Η χρά σ’ ομοι͜άζ’ άμον το φώταγμαν, πουλί μ’, του ήλ’ Ποράνι͜α, ψ̌η μ’, χάν’νταν όντες έρχ̌εσαι άμον τον ταραήλ’ Αρνόπο μ’, αρνόπο μ’, το τέρεμα σ’ εμέν θα παλαλών’ Πουλόπο μ’, πουλόπο μ’, νουνίζω σε το βράδ’ ους να μερών’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απάν’ | πάνω | ||
| απέσ’ | μέσα | ||
| αρνόπο | αρνάκι, χαϊδευτική προσφώνηση γυναίκας | ||
| αστρόπα | αστεράκια | ||
| ατά | αυτά | ||
| εγκαλιόπο | αγκαλίτσα | ||
| έν’ | είναι | ||
| ευρίεσαι | βρίσκεσαι | ||
| ήλ’ | ήλιου | ||
| ’κ’ | δεν | οὐκί<οὐχί | |
| καρδόπο | καρδούλα | ||
| καρφώντς | καρφώνεις | ||
| μερών’ | μερώνει, ξημερώνει | ||
| νουνίζω | σκέφτομαι | ||
| ομμάτι͜α | μάτια | ||
| ομοι͜άζ’ | ομοιάζει, μοιάζει | ||
| όντες | όταν | ||
| ους | ως, μέχρι | ||
| παλάλα | τρελή | ||
| παλαλών’ | τρελαίνει | ||
| ποράνι͜α | μπόρες, καταιγίδες | boran<βενετ. bora<λατ. Boreas <Βορέας (αντιδάνειο) | |
| πουλόπο | πουλάκι | ||
| ταραήλ’ | (αιτ.) ουράνιο τόξο, (γεν.) ουράνιου τόξου | ||
| τέρεμα | βλέμμα | ||
| τερώ | κοιτώ | ||
| φραντάλα | γυναίκα πρόσχαρη, πληθωρική γυναίκα | ||
| φώταγμαν | φωτισμός, λαμποκόπημα | ||
| φωτάζ’νε | φωτίζουν, λάμπουν | ||
| χάν’νταν | χάνονται, διώχνονται | ||
| χρά | χροιά, το χρώμα του δέρματος | ||
| ψ̌η | ψυχή |
