Ομάλ Τόνγιας

Προβολή Τραγουδιού

Αναθεμά σε, σεβτι͜ά,
[και -ν-] ας σο καρδόπο μ’ έβγα
Τα τεφτέρι͜α ντ’ έγρασα
τ’ εσόν την άκραν ’κ’ εύρα

Ση σεβτι͜άς το μονοπάτ’
επιάστα ας σο τουζάκ’
Γιά το ναι, γιά το γιοκ πέει
και μη παί͜εις με... Ωχ!
και μη παί͜εις με «κουπεπέ»

Αναθεμά σε, σεβτιά,
[και] για τ’ εσέν ’κ’ είν’ γιατρικά
Μίαν κλαις, μίαν γελάς
τα παλληκάρι͜α δελι͜άεις

Ση σεβτι͜άς το μονοπάτ’
επιάστα ας σο τουζάκ’
Γιά το ναι, γιά το γιοκ πέει
και μη παί͜εις με... Ωχ!
και μη παί͜εις με «κουπεπέ»

Αναθεμά σε, σεβτά,
[και] φέρτς με σο πεγάδ’ καικά
Κλίσκουμαι, νερόν ’κι δί’ς
πάντα δάκρυ͜α εμέν ποτί͜εις

Ση σεβτι͜άς το μονοπάτ’
επιάστα ας σο τουζάκ’
Γιά το ναι, γιά το γιοκ πέει
και μη παί͜εις με... Ωχ!
και μη παί͜εις με «κουπεπέ»

Αναθεμά σε, σεβτά,
[και] κλαινί͜εις τα παλληκάρι͜α
Πίν’νε το κρασίν, μεθούν
κι αρχινούν τα παλαλά

Ση σεβτι͜άς το μονοπάτ’
επιάστα ας σο τουζάκ’
Γιά το ναι, γιά το γιοκ πέει
και μη παί͜εις με... Ωχ!
και μη παί͜εις με «κουπεπέ»

Γλωσσάρι

Κείμενο	Επεξήγηση	Ετυμ. Ρίζα
άκραν	άκρη, αρχή
γιά	είτε, ή	ya/yā
γιοκ	όχι	yok
δελι͜άεις	περιπλέκεις, μπερδεύεις κπ/κτ	θηλιάζω<θῆλυς
δί’ς	δίνεις
έβγα	(προστ.) βγες
έγρασα	έφθαρα, έλιωσα	γράνω/γραίνω (=ροκανίζω, κατατρώγω)
είν’	(για πληθ.) είναι
επιάστα	πιάστηκα, καταπιάστηκα
εσόν	δικός/ή/ό σου
εύρα	βρήκα, (ιδιωμ. προστ.) βρες
’κ’	δεν	οὐκί<οὐχί
καικά	προς τα κάτω, εκεί ακριβώς, κοντά
καρδόπο	καρδούλα
’κι	δεν	οὐκί<οὐχί
κλαινί͜εις	κάνεις κάποιον να κλάψει, στενοχωρείς
κλίσκουμαι	σκύβω, κλίνω
μίαν	μια φορά
παί͜εις	παίζεις
παλαλά	τρελά, τρέλες
πεγάδ’	βρύση
πέει	(προστ.) πες
πίν’νε	πίνουν
ποτί͜εις	ποτίζεις, δίνεις σε κπ να πιει
σεβτά	αγάπη, έρωτας	sevda/sevdā
σεβτι͜ά	έρωτας	sevda/sevdā
σεβτι͜άς	αγάπης, έρωτα	sevda/sevdā
τεφτέρι͜α	σημειωματάρια, τετράδια	defter
τουζάκ’	παγίδα	tuzak
φέρτς	φέρεις, φέρνεις