Προβολή Τραγουδιού

Το σ̌ελι͜ακόπο μ’ έν’ βαρύν

Το σ̌ελι͜ακόπο μ’ έν’ βαρύν
και το γομάρι μ’ άλας
Γουρπάν’ σ’ οσπίτ’ ντ’ εμπαίν’ς κι εβγαίν’ς,
σο κατηβαίντς τα σκάλας

Ν’ ας καίεται τ’ οσπιτόπο σ’
και τιδέν ’κι απομένει
Πουθέν τόπον ’κ’ ευρήκ’ς να μέν’ς,
έρχ̌εσαι μετ’ εμέν-ι

Τερώ, τερώ ολόερα,
τ’ αρνί μ’ πουθέν ’κ’ ελέπω
Και την αροθυμίαν ατ’ς
τόπον ’κ’ έχω να θέκω

Γιαβρί μ’, τραγώδ’ και σ̌ύριξον,
εύρες τον καιρό σ’, εύρες
Με τον άντρα σ’ ας ίεψες
κι εμέν ας επιδέβες

Γλωσσάρι

Κείμενο	Επεξήγηση	Ετυμ. Ρίζα
άλας	αλάτι
αροθυμίαν	νοσταλγία
γιαβρί	μωρό, μικρό, παιδί	yavru
γουρπάν’	θυσία	kurban/ḳurbān
ελέπω	βλέπω
έν’	είναι
επιδέβες	έφυγες, άφησες πίσω, προσπέρασες, ξεπέρασες
εύρες	βρήκες
ευρήκ’ς	βρίσκεις
θέκω	θέτω, τοποθετώ, βάζω
ίεψες	ταίριαξες	uymak
’κ’	δεν	ουκί<οὐχί
κατηβαίντς	κατεβαίνεις
’κι	δεν	ουκί<οὐχί
μετ’	μαζί με (με αιτιατική), με (τρόπος)
ολόερα	ολόγυρα
οσπίτ’	σπίτι	hospitium<hospes
πουθέν	πουθενά
σ̌ελι͜ακόπο	φορτίο ξύλων ή χόρτων που φέρεται στη ράχη ανθρώπου	şelek
σ̌ύριξον	σφύριξε, κάλεσε σφυρίζοντας (προστ.)
τερώ	κοιτώ
τιδέν	τίποτα
τραγώδ’	τραγούδησε (προστ.)