Έμορφον μελαχρινόν

Προβολή Τραγουδιού

Καλλιτέχνες: Παύλος Καλαϊτζίδης, Ρήγας Κοτανίδης

Εγώ εγάπεσα κορτσόπον
άμον το χ̌ελιδονόπον
Έμορφον μελαχρινόν
έκαψεν την ψ̌ην τ’ εμόν

Έλα άνοιξον τα φτερόπα σ’
και τα δύο τα χ̌ερόπα σ’
Πέτα κι έλα σ’ εγκαλόπο μ’
και ας χ̌αίρεται το ψ̌όπο μ’

Έλα, πουλί μ’, στεφανούμες,
σ’ αβούτ’ τη ζωήν ενούμες
Και θα ζούμε αγαπημένα,
δύο ψ̌όπα πονεμένα

Γλωσσάρι

Κείμενο	Επεξήγηση	Ετυμ. Ρίζα
αβούτ’	αυτό/ή, αυτοί/ές/ά
άμον	σαν, όπως, καθώς	ἅμα
άνοιξον	(προστ.) άνοιξε
εγάπεσα	αγάπησα
εγκαλόπο	αγκαλιά, αγκαλίτσα
εμόν	δικός/ή/ό μου	ἐμοῦ
έμορφον	όμορφο
ενούμες	ενωνόμαστε
κορτσόπον	κοριτσάκι
στεφανούμες	στεφανωνόμαστε
φτερόπα	φτεράκια
χ̌ελιδονόπον	χελιδονάκι
χ̌ερόπα	χεράκια
ψ̌ην	ψυχή
ψ̌όπα	ψυχούλες
ψ̌όπο	ψυχούλα