Προβολή Τραγουδιού

Ομάλι Κερασούντας

Στιχουργοί: Μάκης Αθανασιάδης, Σάββας Μαυρίδης

Καλλιτέχνες: Αντώνης Παπαδόπουλος, Αριστοτέλης Αρχιτεκτονίδης

Κερασούντας κορτσόπα
άμον τα κρύα νερά σ’
Δίν’νε σε έναν φίλεμαν
γλυκύν κι άμον το κεράσ’

Κερασούντα, αροθυμώ
τα ραχ̌ία σ’, τα νερά σ’
Τα οσπίτα̤ και τ’ ανθρώπ’ς,
τα ορμάνα̤ ’κι ανασπάλτς

Αγαπούνε το ομάλ,
αγαπούν την τραγωδίαν
Σκουντουλίζ’νε άμον τσ̌ιτσ̌έκ’,
παρχαρί’ την ευωδίαν

Κερασούντα, αροθυμώ
τα ραχ̌ία σ’, τα νερά σ’
Τα οσπίτα̤ και τ’ ανθρώπ’ς,
τα ορμάνα̤ ’κι ανασπάλτς

Κερασούντας κόρ’ αν παίρτς,
ση ζωή σ’ ’κι θα υποφέρτς
Σ’ οσπιτόπο σ’, σο χωρίο σ’,
τη χαράν εσύ θα φέρτς

Κερασούντα, αροθυμώ
τα ραχ̌ία σ’, τα νερά σ’
Τα οσπίτα̤ και τ’ ανθρώπ’ς,
τα ορμάνα̤ ’κι ανασπάλτς

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
ανασπάλτς	ξεχνάς
αροθυμώ	νοσταλγώ
γλυκύν	γλυκιά/ό
δίν’νε	δίνουν
κεράσ’	κεράσι, κερασιά
’κι	δεν	ουκί<οὐχί
κορτσόπα	κοριτσάκια
ορμάνα̤	δάση	orman
οσπίτα̤	σπίτια	hospitium<hospes
παίρτς	παίρνεις
παρχαρί’	παρχαριού
ραχ̌ία	ράχες, βουνά
σκουντουλίζ’νε	ευωδιάζουν, μοσχοβολούν
τραγωδίαν	τραγούδι
τσ̌ιτσ̌έκ’	λουλούδι	çiçek
υποφέρτς	υποφέρεις
φέρτς	φέρεις, φέρνεις
φίλεμαν	φιλί