Εσύ φεύ’ς

Προβολή Τραγουδιού

Καλλιτέχνες: Δημήτρης Ξενιτόπουλος, Στάθης Νικολαΐδης

Πόσα φοράς εμέτρεσα
τ’ άστρα σον ουρανόν -ι; 
Πόσα φοράς εθάρρ’να εγώ,
θα ’ίνεσαι τ’ εμόν -ι;

Εσύ φεύ’ς και πού θα πας;
Τη σεβντά μ’ πώς ’κ’ εγροικάς; 
Εσύ φεύ’ς και πού θα πας;
Το καρδόπο μ’ ’κ’ ερωτάς!

Πόσα ημέρας καίουμαι
για τ’ εσέν το γιαβρόπο μ’; 
Πόσα ημέρας χάν’ντανε;
Έρ’ται κι εβγαίν’ το ψ̌όπο μ’

Εσύ φεύ’ς και πού θα πας;
Τη σεβντά μ’ πώς ’κ’ εγροικάς; 
Εσύ φεύ’ς και πού θα πας;
Το καρδόπο μ’ ’κ’ ερωτάς!

Πόσα δα̤κρόπα εγόμωσαν
τη σεβντάς το λαήνι; 
Πόσα δα̤κρόπα έσυρα
σ’ εγάπ’ς την καμονήν -ι;

Εσύ φεύ’ς και πού θα πας;
Τη σεβντά μ’ πώς ’κ’ εγροικάς; 
Εσύ φεύ’ς και πού θα πας;
Το καρδόπο μ’ ’κ’ ερωτάς!

Γλωσσάρι

Κείμενο	Επεξήγηση	Ετυμ. Ρίζα
γιαβρόπο	μωράκι, μικρούλι, παιδάκι	yavru + -όπον
δα̤κρόπα	(υποκορ.) δάκρυα
εβγαίν’	βγαίνει
εγάπ’ς	αγάπης
εγόμωσαν	γέμισαν
εγροικάς	καταλαβαίνεις
εθάρρ’να	θαρρούσα, πίστευα, νόμιζα
εμέτρεσα	μέτρησα
εμόν	δικός/ή/ό μου	ἐμοῦ
έρ’ται	έρχεται
ερωτάς	ρωτάς
έσυρα	έσυρα, τράβηξα, έριξα
’ίνεσαι	γίνεσαι
’κ’	δεν	οὐκί<οὐχί
καίουμαι	καίγομαι
καμονήν	καημός, (αιτ.) καημό
καρδόπο	καρδούλα
σεβντά	αγάπη, έρωτας	sevda/sevdā
σεβντάς	αγάπης, έρωτα	sevda/sevdā
φεύ’ς	φεύγεις
φοράς	φορές
χάν’ντανε	χάνονται, διώχνονται
ψ̌όπο	ψυχούλα