Προβολή Τραγουδιού
Εστά παπόρ’ |
Τ’ αναλλαγάδ’Στιχουργοί: Νάκος Ευσταθιάδης
Συνθέτες: Παναγιώτης Χωλόπουλος
Καλλιτέχνες: Βίκη Μιχαηλίδου, Δημήτρης Κεχαγιάς, Παναγιώτης Χωλόπουλος
Εστά, παπόρ’, καλόν παπόρ’, τ’ ομμάτι͜α μ’ ας τερούνε του Πόντου τα παράλια, φεύω κι αροθυμούνε Και πώς να τα̤γ̆α̤νίζω; το ψ̌όπο μ’ τυρα̤ννίζω Τερώ τη Μαύρη Θάλασσαν, τ’ ομματόπα μ’ κλαινίζω Σα Σούρμενα έπα ρακίν και ο μεζές, χαψία Ση Γέμουρα σο μουχαπέτ’ με κάμποσα παιδία Και πώς να τα̤γ̆α̤νίζω; το ψ̌όπο μ’ τυρα̤ννίζω Τερώ τη Μαύρη Θάλασσαν, τ’ ομματόπα μ’ κλαινίζω Εστά, παπόρ’, καλόν παπόρ’, τα δάκρυ͜α μ’ μη κυλίουν Φουσκώνει η Μαύρη Θάλασσα και τ’ εμετέρ’ φουρκίουν Και πώς να τα̤γ̆α̤νίζω; το ψ̌όπο μ’ τυρα̤ννίζω Τερώ τη Μαύρην Θάλασσαν, τ’ ομματόπα μ’ κλαινίζω Ση Τραπεζούντας το γιαλόν έναν κερόπον άφτω Εμέκια, μουράτι͜α, όνειρα αχταλεύω και θάφτω Και πώς να τα̤γ̆α̤νίζω; το ψ̌όπο μ’ τυρα̤ννίζω Τερώ τη Μαύρη Θάλασσαν, τ’ ομματόπα μ’ κλαινίζω Εστά, παπόρ’, καλόν παπόρ’, εστά ολίγον κι άλλο Αδά χαράντας έζησα και πώς να ανασπάλω; Και πώς να τα̤γ̆α̤νίζω; το ψ̌όπο μ’ τυρα̤ννίζω Τερώ τη Μαύρη Θάλασσαν, τ’ ομματόπα μ’ κλαινίζω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| ανασπάλω | ξεχάσω | ||
| αροθυμούνε | νοσταλγούν | ||
| άφτω | ανάβω | ||
| αχταλεύω | σκάβω | ||
| εμέκια | κόποι, μόχθοι, προσπάθειες | emek | |
| εμετέρ’ | δικοί μας | ἡμέτερος | |
| έπα | ήπια | ||
| εστά | (προστ.) στάσου | ||
| θάφτω | θάβω | ||
| κερόπον | κεράκι | ||
| κλαινίζω | στενοχωρώ, κάνω κπ να κλάψει | ||
| κυλίουν | κυλάνε | ||
| μουράτι͜α | επιθυμίες, πόθοι | murat/murād | |
| μουχαπέτ’ | κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής) | muhabbet/maḥabbet | |
| ολίγον | λίγο | ||
| ομμάτι͜α | μάτια | ||
| ομματόπα | ματάκια | ||
| παιδία | παιδιά | ||
| παπόρ’ | βαπόρι, καράβι | vapore | |
| ρακίν | αλκοολούχο ποτό που παράγεται από τη ζύμωση φρούτων ή στεμφύλων φρούτων | rakı/ˁaraḳī | |
| τα̤γ̆α̤νίζω | αντέχω, βαστάω, υπομένω | dayanmak | |
| τερούνε | κοιτούν | ||
| τερώ | κοιτώ | ||
| τυρα̤ννίζω | τυραννάω, ταλαιπωρώ | ||
| φεύω | φεύγω | ||
| φουρκίουν | πνίγονται | ||
| χαράντας | χαρές, γάμοι | ||
| χαψία | γαύροι | hamsi<ჰამსი | |
| ψ̌όπο | ψυχούλα |
