Προβολή Τραγουδιού
Χρυσομήλα
Με δάκρυ͜α τη καρδίαςΣτιχουργοί: Παναγιώτης Μωυσιάδης
Συνθέτες: Παναγιώτης Μωυσιάδης
Καλλιτέχνες: Φόρης Απατσίδης
Χρυσομήλα, χρυσομήλα δος μα ας ση σεβντά σ’ τα μήλα Μη φοάσαι ’κι τελείνταν εμέν και -ν- εσέν κανείνταν Δος με, δος με, ολιγόπον δος με Τέρεν, τέρεν, τέρεν πώς τερώ σε Τέρεν πώς τερώ σε, ψ̌ήκα μ’, αγαπώ σε Χρυσομήλα, χρυσομήλα ακόμαν τα ψ̌ήα σ’ ’κ’ είδα Σεβνταλίσσα και φραντάλα μετ’ εσέν εκαρδοκάγα Δος με, δος με, ολιγόπον δος με Τέρεν, τέρεν, τέρεν πώς τερώ σε Τέρεν πώς τερώ σε, ψ̌ήκα μ’, αγαπώ σε Χρυσομήλα, χρυσομήλα όσον πόσον θ’ ενεμείνα; Ας ση καρδι͜άς ι-σ’ τα μήλα έπλωσα κι επέρα είναν¹ Δος με, δος με, ολιγόπον δος με Τέρεν, τέρεν, τέρεν πώς τερώ σε Τέρεν πώς τερώ σε, ψ̌ήκα μ’, αγαπώ σε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| δος | δώσε | ||
| δος μα | δώσε μου | ||
| είναν | έναν, μία | ||
| εκαρδοκάγα | κάηκε η καρδιά μου, δίψασα υπερβολικά | ||
| ενεμείνα | περίμενα, ανέμενα | ||
| επέρα | πήρα | ||
| έπλωσα | άπλωσα, έτεινα | ||
| ’κ’ | δεν | ουκί<οὐχί | |
| κανείνταν | φτάνουν, είναι αρκετά | ||
| ’κι | δεν | ουκί<οὐχί | |
| μετ’ | μαζί με (με αιτιατική), με (τρόπος) | ||
| ολιγόπον | λιγουλάκι | ||
| όσον πόσον | πόσο πια; μέχρι πότε; | ||
| σεβντά | αγάπη, έρωτας | sevda/sevdā | |
| σεβνταλίσσα | ερωτευμένη, ερωτοχτυπημένη | sevdalı | |
| τελείνταν | (αμτβ.)τελειώνουν, εξαντλούνται, μτφ. πεθαίνουν | ||
| τέρεν | κοίταξε (προστ.) | ||
| τερώ | κοιτώ | ||
| φοάσαι | φοβάσαι | ||
| φραντάλα | γυναίκα πρόσχαρη, πληθωρική γυναίκα | ||
| ψ̌ήα | ψυχές, η περιοχή του στέρνου, τα εσώψυχα | ||
| ψ̌ήκα | ψυχούλα |
¹ Εκ παραδρομής αντί του ορθού ουδέτερου «έναν»