Προβολή Τραγουδιού

Μάνα, γιατί εποίν’νες με;

Στιχουργοί: Δημήτρης Καρασαββίδης, Παραδοσιακό

Καλλιτέχνες: Δημήτρης Καρασαββίδης, Δημήτρης Ξενιτόπουλος

Μάνα, γιατί εποίν’νες με -ν-
αΐκον πονεμένον;
Όλια τα κάρδι͜ας χ̌αίρουνταν
τ’ εμόν πάντα κλαμένον

Μάνα, μάνα, χαΐναινα!
Μάνα τ’ εμόν η μάνα
Όντες ’κ’ έμ’νε σ’ εγκαλιόπο σ’
έχ̌’ και θα επέθαινα

Μάνα, μάνα, μανούλα μου,
γιάτρεψον το καρδόπο μ’
Λάρωσον και -ν- ας έν’ τσ̌οτίν
και τ’ εμόν το τερτόπον

Γλωσσάρι

Κείμενο	Επεξήγηση	Ετυμ. Ρίζα
αΐκον	τέτοιο/α
γιάτρεψον	γιάτρεψε (προστ.)
εγκαλιόπο	αγκαλίτσα
έμ’νε	ήμουν
εμόν	δικός/ή/ό μου	ἐμοῦ
έν’	είναι
εποίν’νες	έκανες, έφτιαχνες	ποιέω-ῶ
έχ̌’	έχει
’κ’	δεν	ουκί<οὐχί
καρδόπο	καρδούλα
λάρωσον	γιάτρεψε, θεράπεψε (προστ.)
όλια	όλα
όντες	όταν
τσ̌οτίν	σκληρό, δύσκολο	çetin
χ̌αίρουνταν	χαίρονται
χαΐναινα	σκληρόκαρδη, άκαρδη	hain/ḫāʾin