Προβολή Τραγουδιού
Ο φίλος ο σωστός |
Ο φίλος ο σωστόςΣτιχουργοί: Γιώργος Μαυρίδης
Συνθέτες: Κυριάκος Παπαδόπουλος
Καλλιτέχνες: Κυριάκος Παπαδόπουλος, Λευτέρης Καμενίδης, Μπάμπης Καστρινόπουλος
Ο φίλος όντες έν’ σωστός καλλίον έν’ κι απ’ αδελφός Κι εγώ δοξάζω τον Θεόν που έχω φίλον αδελφόν Άκ’σον με, φίλε, άκ’σον με να παίρ’νε μόνον θέλ’νε Κάφ’νε το ψ̌όπο σ’, αποθάντς, καλός έτονε, λένε Έν’ άσπρον το πουκάμισο μ’ και μαύρον η καρδία μ’ Έπαρ’ και παίξον κεμεντζ̌έν να ακούς την τραγωδία μ’ Ο φίλος όντες έν’ σωστός καλλίον έν’ κι απ’ αδελφός Κι εγώ δοξάζω τον Θεόν που έχω φίλον αδελφόν Άμον ποτάμ’ τρέχ̌’ η ζωή και γάλι͜α-γάλι͜α χάται Το ψ̌όπο μ’ φεύ’ άμον πουλίν και το κορμίν κοιμάται Σ’ όλον τον κόσμον για τ’ εμέν εσύ επέμ’νες μόνον Ευχαριστώ σε, φίλε μου που εγροικάς τον πόνο μ’ Ο φίλος όντες έν’ σωστός καλλίον έν’ κι απ’ αδελφός Κι εγώ δοξάζω τον Θεόν που έχω φίλον αδελφόν Άκ’σον με, φίλε, άκ’σον με να παίρ’νε θέλ’νε μόνον Όσον καλόν ευτάς εσύ ευτάν’ α’ λύπη, πόνο Έν’ άσπρον το πουκάμισο μ’ και μαύρον η καρδία μ’ Εντάμαν, φίλε, μετ’ εσέν γλυκαίν’ η τραγωδία μ’ Ο φίλος όντες έν’ σωστός καλλίον έν’ κι απ’ αδελφός Κι εγώ δοξάζω τον Θεόν που έχω φίλον αδελφόν Ο φίλος όντες έν’ σωστός καλλίον έν’ κι απ’ αδελφός Κι εγώ δοξάζω τον Θεόν που έχω φίλον αδελφόν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| άκ’σον | (προστ.) άκουσε | ||
| άμον | σαν, όπως, καθώς | ἅμα | |
| αποθάντς | πεθάνεις | ||
| γάλι͜α | σιγά, αργά | αγαληνός < γαληνός | |
| γάλι͜α-γάλι͜α | αγάλι-αγάλι, σιγά-σιγά, σταδιακά | αγάλι<αγαληνός <γαληνός | |
| γλυκαίν’ | γλυκαίνει | ||
| εγροικάς | καταλαβαίνεις | ||
| έν’ | είναι | ||
| εντάμαν | μαζί | ||
| έπαρ’ | (προστ.) πάρε | ||
| επέμ’νες | απόμεινες | ||
| έτονε | ήταν | ||
| ευτάν’ | κάνουν, φτιάχνουν | εὐθειάζω | |
| ευτάς | κάνεις, φτιάχνεις | εὐθειάζω | |
| θέλ’νε | θέλουν | ||
| καλλίον | (επίθ.) καλύτερο, (επίρ.) καλύτερα | ||
| κάφ’νε | καίνε | ||
| κεμεντζ̌έν | λύρα | kemençe/kemānçe | |
| μετ’ | μαζί με (με αιτιατική), με (τρόπος) | ||
| όντες | όταν | ||
| παίξον | (προστ.) παίξε | ||
| παίρ’νε | παίρνουν | ||
| ποτάμ’ | ποτάμι | ||
| τραγωδία | τραγούδι | ||
| τρέχ̌’ | τρέχει | ||
| φεύ’ | φεύγει | ||
| χάται | χάνεται | ||
| ψ̌όπο | ψυχούλα |
