Προβολή Τραγουδιού

Μ’ άλλον θα κοιμάσαι

Καλλιτέχνες: Άκης Παπαδόπουλος, Γιάννης Τσανάκαλης

Εματώσανε την καρδι͜ά μ’,
’ς ση σεβντά σ’ το αίμα μ’ στάζ’
Ενέσπαλες το γιαβρόπο σ’
για τ’ εσέν πα αναστενάζ’

Μ’ άλλον θα κοιμάσαι,
εμέν θα νουνί͜εις
Άλλος θα φιλεί σε
κι εσύ θα πονείς

Θα τρωεί με η χωρισία σ’,
πουλόπο μ’, κι η καμονή σ’
Θα στεφανούσαι τον άλλον,
ενέσπαλες το πουλί σ’

Μ’ άλλον θα κοιμάσαι,
εμέν θα νουνί͜εις
Άλλος θα φιλεί σε
κι εσύ θα πονείς

Κλώσον οπίσ’ την προξενίαν
με το ζόρ’ που στεφανών’
ευτάει τρανόν αμαρτίαν,
δύο μαχ̌αίρι͜α ανταμών’

Μ’ άλλον θα κοιμάσαι,
εμέν θα νουνί͜εις
Άλλος θα φιλεί σε
κι εσύ θα πονείς

Γλωσσάρι

Κείμενο	Επεξήγηση	Ετυμ. Ρίζα
ανταμών’	φέρνει σε επαφή, συνδέει, συναρμόζει, συναντάει
γιαβρόπο	μωράκι, μικρούλι, παιδάκι	yavru + -όπον
ενέσπαλες	ξέχασες
ευτάει	κάνει, φτιάχνει	εὐθειάζω
ζόρ’	ζόρι	zor/zūr
καμονή	καημός
κλώσον	γύρισε, στρέψε (προστ.)
νουνί͜εις	σκέφτεσαι
οπίσ’	πίσω
πα	πάλι, επίσης
πουλόπο	πουλάκι
’ς	(ας) από
σεβντά	αγάπη, έρωτας	sevda/sevdā
στεφανούσαι	στεφανώνεσαι
χωρισία	χωρισμός