Τα δάκρυα μ’ ’ίν’ντανε μελάν’

Προβολή Τραγουδιού

Καλλιτέχνες: Γιάννης Γκόσιος, Σταύρος Ιωαννίδης, Χάρης Αθανασιάδης

Τα δάκρυ͜α μ’ ’ίν’ντανε μελάν’
απάν’ σ’ έναν χαρτόπον
γράφ’νε τα πόνι͜α μ’ για τ’ εσέν
και κατενίζ’ το ψ̌όπο μ’

Νουνίζω για να εγροικάς
τα λόγια μ’ θα κανείνταν
Κλαίγω, γράφτω τα τερτόπα μ’
και τραγωδία ’ίν’νταν

Αν θέλτς, πουλόπο μ’, επορείς
να λαρώντς την καρδία μ’
Βάλον απέσ’ ι-σ’ σπλάχνωσην
κι άκ’σον την τραγωδία μ’

Τα λόγια ντο θα τραγωδώ
σ’ εσέν αξίαν ’κ’ έχ’νε,
παρηγορούν τοι πονεμέντς
σεβτάς τέρτι͜α που έχ’νε

Γλωσσάρι

Κείμενο	Επεξήγηση	Ετυμ. Ρίζα
άκ’σον	(προστ.) άκουσε
απάν’	πάνω
απέσ’	μέσα
βάλον	(προστ.) βάλε
γράφ’νε	γράφουν
εγροικάς	καταλαβαίνεις
επορείς	μπορείς
έχ’νε	έχουνε
θέλτς	θέλεις
’ίν’νταν	γίνονται
’ίν’ντανε	γίνονται
’κ’	δεν	οὐκί<οὐχί
κανείνταν	φτάνουν, είναι αρκετά
κατενίζ’	καθαρίζω/ει, ξεπλένω/ει, ξεθολώνω/ει	κατανίζω
λαρώντς	γιατρεύεις, θεραπεύεις
νουνίζω	σκέφτομαι
πονεμέντς	πονεμένους
πόνι͜α	πόνοι
πουλόπο	πουλάκι
σεβτάς	αγάπης, έρωτα	sevda/sevdā
σπλάχνωσην	ευσπλαχνία, συμπόνια
τέρτι͜α	καημοί, βάσανα, στενοχώριες	dert
τερτόπα	(υποκορ.) καημοί, βάσανα, στενοχώριες	dert
τοι	τους/τις
τραγωδία	τραγούδι
τραγωδώ	τραγουδάω
χαρτόπον	χαρτάκι
ψ̌όπο	ψυχούλα