Προβολή Τραγουδιού
Μη κλαινί͜εις την κεμεντζ̌έ μ’
ΜαυροθάλασσαΣτιχουργοί: Χρήστος Αντωνιάδης
Συνθέτες: Παραδοσιακό
Καλλιτέχνες: Αχιλλέας Βασιλειάδης, Γιάννης Κουρτίδης, Κώστας Σιαμίδης
Έφυγες κι εδέβες πλάν κι αραεύω σε σ’ ορμάν’ Το κρεβάτι μ’ και η ψ̌η μ’ ευκαιρώθανε, πουλί μ’ Έλα, έλα, μετ’ εμέν Μη κλαινί͜εις την κεμεντζ̌έ μ’, μη κλαινί͜εις την κεμεντζ̌έ μ’, εγώ χάμαι για τ’ εσέν Σο ραχ̌ίν, ση θάλασσαν, πουλί μ’ αραεύω σε -ν Σ’ ορμάν’ συμποδίουμαι, σα νερά φουρκίουμαι Έλα, έλα, μετ’ εμέν μη κλαινί͜εις την κεμεντζ̌έ μ’, μη κλαινί͜εις την κεμεντζ̌έ μ’, εγώ χάμαι για τ’ εσέν Τ’ ομμάτι͜α μ’ ετσάμωσα για τ’ εσέν ενούνιζα Έμπρι͜α μ’ έγκα σε -ν- εστάθες κι ους να ελέπω σε -ν- εχάθες Έλα, έλα, μετ’ εμέν μη κλαινί͜εις την κεμεντζ̌έ μ’ μη κλαινί͜εις την κεμεντζ̌έ μ’ εγώ χάμαι για τ’ εσέν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αραεύω | ψάχνω, αναζητώ, γυρεύω | aramak | |
| έγκα | έφερα | ||
| εδέβες | πέρασες, έφυγες, διάβηκες | διαβαίνω | |
| ελέπω | βλέπω | ||
| έμπρι͜α | μπροστά | ||
| ενούνιζα | σκεφτόμουν | ||
| εστάθες | στάθηκες | ||
| ετσάμωσα | έκλεισα/σφάλισα τα μάτια μου | ||
| ευκαιρώθανε | άδειασαν, μτφ. ερημώθηκαν | ||
| κεμεντζ̌έ | η λύρα | kemençe/kemānçe | |
| κλαινί͜εις | κάνεις κάποιον να κλάψει, στενοχωρείς | ||
| μετ’ | μαζί με (με αιτιατική), με (τρόπος) | ||
| ομμάτι͜α | μάτια | ||
| ορμάν’ | δάσος | orman | |
| ους | ως, μέχρι | ||
| πλάν | πλάι, πλαϊνό/ παρακείμενο μέρος, παραπέρα | ||
| ραχ̌ίν | βουνό, ράχη | ||
| συμποδίουμαι | σκοντάφτω, παραπατώ | ||
| φουρκίουμαι | πνίγομαι | ||
| χάμαι | χάνομαι, μτφ. πεθαίνω | ||
| ψ̌η | ψυχή |