Προβολή Τραγουδιού
Βάσταξον, καρδι͜ά μ’, βάσταξον |
ΜαυροθάλασσαΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιάννης Κουρτίδης, Κώστας Σιαμίδης
Βάσταξον, καρδι͜ά μ’, βάσταξον κάμποσα χρόνι͜α κι άλλο Όπως βαστούνε τα ραχ̌ία την βαρυχ̌ειμωνίαν, Όπως βαστάζ’νε τα δεντρά την παραγρανεμίαν Όπως βαστάζ’ η θάλασσα τη κοσμί’ τα καράβι͜α Όπως βαστάζ’ ο ουρανόν εκείνα όλι͜α τ’ άστρα Όπως βαστάζ’ το χάλκωμαν ση καζαντζ̌ή τα χ̌έρι͜α Όπως βαστάζ’ το σίδερον σην βαρυτσ̌ακουτσ̌έαν Βάσταξον, καρδι͜ά μ’, βάσταξον, αν θέλεις κι αν ’κι θέλεις Βάσταξον, καρδι͜ά μ’, βάσταξον, αν θέλεις κι αν ’κι θέλεις
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| βαρυτσ̌ακουτσ̌έαν | δυνατή σφυριά | βαρύν + çekiç | |
| βαρυχ̌ειμωνίαν | βαρυχειμωνιά | ||
| βαστάζ’νε | βαστούνε, αντέχουν, κρατούν | ||
| βάσταξον | (προστ.) βάσταξε, άντεξε, κράτα | ||
| καζαντζ̌ή | λεβητοποιού, κατασκευαστή καζανιών | kazancı | |
| ’κι | δεν | οὐκί<οὐχί | |
| κοσμί’ | κόσμου | ||
| παραγρανεμίαν | υπερβολικά δυνατός άνεμος | ||
| ραχ̌ία | ράχες, βουνά | ||
| χάλκωμαν | χάλκινο σκεύος |
