Προβολή Τραγουδιού
Φωτογραφία |
ΦωτογραφίαΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιώργος Ατματσίδης, Στάθης Νικολαΐδης
Τόσα χρόνι͜α ’πολέμανα με τη φωτογραφία σ’ Να φτάγ’ ατο και καλατσ̌εύ’ ν’ ακούγω τη λαλία σ’ Στρώσον το κρεβατόπο σου και με τα ιλινά Στρώσον το κρεβατόπο σου σεντόνια ιλινά Ατά τα μὲσα σ’ τα λεγνά να έσανε τ’ εμά Κόρ’, η φωτογραφία σου σην τσ̌έπη μ’ ελερώθεν Επέρα να σπογγίζ’ ατο η γούλα μ’ εγομώθεν Στρώσον το κρεβατόπο σου με τα μεταξωτά Ατά τα μέσα σ’ τα λεγνά να έσανε τ’ εμά Με την φωτογραφία σου έχω τρανόν χαράν Χαλάλ’ και σον φωτόγραφον π’ επέρεν την παράν Στρώσον το κρεβατόπο σου και με τα ιλινά Ατά τα μέσα σ’ τα λεγνά να έσανε τ’ εμά Κόρη, πέ’ με τον ζωγράφον π’ εζωγράφ’σεν τα κάλλι͜α σ’ Ας δίγ’ ατον τ’ εργατικά τ’ και βάλ’ με σην εγκάλι͜α σ’ Στρώσον το κρεβατόπο σου με τα μεταξωτά Ατά τα μέσα σ’ τα λεγνά να έσανε τ’ εμά
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ατά | αυτά | ||
| γούλα | λαιμός | gula | |
| δίγ’ | δίνω | ||
| εγκάλι͜α | αγκαλιά | ||
| εγομώθεν | γέμισε | ||
| εζωγράφ’σεν | ζωγράφισε | ||
| ελερώθεν | λερώθηκε | ||
| εμά | δικά μου | ||
| επέρα | πήρα | ||
| επέρεν | πήρε | ||
| έσανε | ήταν | ||
| ιλινά | λινά | ||
| καλατσ̌εύ’ | μιλάω/ει, συνομιλώ/ει, συζητώ/άει | keleci=καλός λόγος (Παλαιά Τουρκική Ανατολίας) | |
| κάλλι͜α | κάλλη | ||
| κρεβατόπο | κρεβατάκι | ||
| λαλία | λαλιά, φωνή | ||
| λεγνά | λιγνά | ||
| μὲσα | (τα) η μέση | ||
| παράν | λεφτά, το χρήμα | para/pāre | |
| πέ’ | (προστ.) πες | ||
| ’πολέμανα | πολεμούσα, πάλευα να καταφέρω | ||
| σπογγίζ’ | σκουπίζω/ει | ||
| στρώσον | (προστ.) στρώσε | ||
| χαλάλ’ | κάτι που θυσιάζεται, προσφέρεται, ξοδεύεται με ευχαρίστηση, αν και είναι πολύτιμο ή κοστίζει πολλά | helal/ḥalāl |
