Προβολή Τραγουδιού
Ετσέρτσαν το καμίσι μ’ |
Ετσέρτσαν το καμίσι μ’Στιχουργοί: Μαρία Αθανασιάδου-Ποικιλίδου, Παραδοσιακό
Συνθέτες: Ανέστης Ιωακειμίδης, Δημήτρης Γεωργιάδης
Καλλιτέχνες: Ανέστης Ιωακειμίδης
Ντ’ εγράεψα για τη σεβντά σ’ σ’ εσόν την γειτονίαν Για τ’ έμορφα τ’ ομματόπα σ’ εσύρ’να ’τα αλλομίαν Αχά ξαν! Αχά ξαν! Τα πετεινάρι͜α ’κούξαν Ατά τα σ̌κυλοκούταβα αποπίσ’ ι-μ’ ερρούξαν Ερρούξαν αποπίσ’ ι-μ’, ετσέρτσαν το καμίσι μ’ Τ’ολόερα μ’ εχάθανε η ψ̌η μ’ έντον θεριόν Κακόν ομμάτ’ επέρε μας ’ταράεν το χωρίον Αχά ξαν! Αχά ξαν! Τα πετεινάρι͜α ’κούξαν Ατά τα σ̌κυλοκούταβα αποπίσ’ ι-μ’ ερρούξαν Ερρούξαν αποπίσ’ ι-μ’, ετσέρτσαν το καμίσι μ’ [Και -ν-] Εταραχ̌ίγαν οι αγούρ’ τσ̌ατίν έν’ το κετίσ̌’ ι-μ’ Εράεψαν τη μαχανάν κι ερρούξαν αποπίσ’ ι-μ’ Αχά ξαν! Αχά ξαν! Τα πετεινάρι͜α ’κούξαν Ατά τα σ̌κυλοκούταβα αποπίσ’ ι-μ’ ερρούξαν Ερρούξαν αποπίσ’ ι-μ’, ετσέρτσαν το καμίσι μ’ Αχά ξαν! Αχά ξαν! Τα πετεινάρι͜α ’κούξαν Ατά τα σ̌κυλοκούταβα αποπίσ’ ι-μ’ ερρούξαν Ερρούξαν αποπίσ’ ι-μ’, ετσέρτσαν το καμίσι μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγούρ’ | νέοι άνδρες | ||
| αλλομίαν | άλλη μια φορά | ||
| αποπίσ’ | από πίσω | ||
| ατά | αυτά | ||
| εγράεψα | πέρασα, υπέφερα | uğramak | |
| έμορφα | όμορφα | ||
| έν’ | είναι | ||
| έντον | έγινε | ||
| επέρε | πήρε | ||
| εράεψαν | έψαξαν, γύρεψαν, αναζήτησαν | aramak | |
| ερρούξαν | έπεσαν | ||
| εσόν | δικός/ή/ό σου | ||
| εσύρ’να | έσερνα, τραβούσα, έριχνα | ||
| εταραχ̌ίγαν | ταράχθηκαν, αναστατώθηκαν | ταράσσω | |
| εχάθανε | χάθηκαν | ||
| καμίσι | πουκάμισο | υπό+καμίσιον<camisia | |
| κετίσ̌’ | πορεία, τρόπος ζωής, συμπεριφορά | gidiş | |
| ’κούξαν | (εκούξαν) λάλησαν | ||
| μαχανάν | δικαιολογία, άλλοθι | bahane/bahāne<vahānag (μεσ.περσ.) | |
| ξαν | πάλι, ξανά | ||
| ομμάτ’ | μάτι | ||
| ομματόπα | ματάκια | ||
| πετεινάρι͜α | (υποκορ.) πετεινοί | ||
| σεβντά | αγάπη, έρωτας | sevda/sevdā | |
| ’ταράεν | (εταράεν) ταράχθηκε, ανακατεύτηκε, μπερδεύτηκε, αναμίχθηκε | ||
| τσ̌ατίν | σκληρό, δύσκολο | çetin | |
| ψ̌η | ψυχή |
