Καρδία μ’, ντο έεις και πονείς

Προβολή Τραγουδιού

Καλλιτέχνες: Γιάννης Τσανασίδης, Γιάννης Χαραλαμπίδης

Καρδία μ’, ντο έ͜εις και πονείς;
Ντό έ͜εις κι αναστενάζεις;
Γιαβάς̌ - αβάσ̌ι͜α καίεσαι
και βρούλαν έξ’ ’κ’ εβγάλλεις

Όνταν ευτάω «αχ!» και «βαχ!»
τα χ̌ι͜όνι͜α όλια λύουν
Τα δάκρυ͜α μ’ στάζ’νε σο χωνόν
και τ’ αποκάμι͜α σβήουν

Πολλά ραχ̌ι͜ά χωρίζ’νε μας,
αρ’ ’κ’ έχ’νε τελεσίαν
Τα γράμματα χαΐρ’ ’κ’ ευτάν’,
πουλί μ’, ση μαναχ̌ίαν

Θα πάω σ’ έναν έρημον,
θα κλαίω, θα χορτάζω
Θα λέω τα παράπονα μ’
καν’νάν να μη χολιάζω

Γλωσσάρι

Κείμενο	Επεξήγηση	Ετυμ. Ρίζα
αβάσ̌ι͜α	αργά	yavaş
αποκάμι͜α	δαυλοί εστίας καιγόμενοι ή σβησμένοι
βρούλαν	φλόγα	brûler
γιαβάς̌	αργά	yavaş
έ͜εις	έχεις
εβγάλλεις	βγάζεις
έξ’	έξω ή ο αριθμός έξι
ευτάν’	κάνουν, φτιάχνουν	εὐθειάζω
ευτάω	κάνω, φτιάχνω	εὐθειάζω
έχ’νε	έχουνε
’κ’	δεν	οὐκί<οὐχί
καίεσαι	καίγεσαι
καν’νάν	κανέναν
λύουν	λιώνουν
μαναχ̌ίαν	μοναξιά
όλια	όλα
όνταν	όταν
πολλά	(επίθ.) πολλά, (επίρρ.) πολύ
ραχ̌ι͜ά	ράχες, βουνά
σβήουν	σβήνουν
στάζ’νε	στάζουνε
τελεσίαν	τέλος, τελειωμό
χαΐρ’	προκοπή, καλή τύχη, ευημερία	hayır/ḫayr
χολιάζω	θυμώνω κπ, αγανακτώ κπ
χορτάζω	χορταίνω
χωνόν	εστία, χωνευτήρι	χῶνος < χόανος
χωρίζ’νε	χωρίζουν, ξεδιαλέγουν