Έρχουμαι, ρίζα μ’, έρχουμαι

Προβολή Τραγουδιού

Καλλιτέχνες: Κώστας Θεοδοσιάδης, Φάνης Κουρουκλίδης

Έρχουμαι, ρίζα μ’, έρχουμαι
τρανόν έν’ το χατίρι σ’
Θα έρχουμαι και παίρω σε,
στερέα μ’, ας σον κύρη σ’

Τ’ αρνί μ’ εβγαίν’ σο παραθύρ’
και κρύφκεται ο ήλιον
Άσπρεσσα, ροδοκόκκινος
άμον κεράσ’ και μήλον

Εστάθεν σο εξώπορτον
κι εφώταξεν η μέρα
Ατέ τ’ εμόν η κάλη έν’,
τ’ εμόν η περιστέρα

Έρχουμαι, ρίζα μ’, έρχουμαι
τη παρχαρί’ πλουμόπον
Ση καρδι͜άς ι-μ’ το άψιμον
εσύ, κρύον νερόπον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
άσπρεσσα	άσπρη
ατέ	αυτή
άψιμον	φωτιά
εβγαίν’	βγαίνει
εμόν	δικός/ή/ό μου	ἐμοῦ
έν’	είναι
έρχουμαι	έρχομαι
εστάθεν	στάθηκε, σταμάτησε
εφώταξεν	φώτισε
κάλη	η αγαπητή σύζυγος, η σύζυγος
κεράσ’	κεράσι, κερασιά
κρύφκεται	κρύβεται
νερόπον	νεράκι
παίρω	παίρνω
παρχαρί’	θερινού βοσκότοπου (παρχαριού)
πλουμόπον	κεντητό ή ζωγραφιστό διακοσμητικό σχέδιο, μτφ. στολίδι	pluma
στερέα	στήριγμα
χατίρι	χάρη, σεβασμός, υπόληψη	hatır/ḫāṭir