Αρνί μ’, μη σημαδεύκεσαι

Προβολή Τραγουδιού

Καλλιτέχνες: Γιώργος Σιαμίδης, Κυριάκος Τριανταφυλλίδης

[Και -ν- ] Αρνί μ’, μη σημαδεύκεσαι
σα ξένα τα χωρία
Πασ̌κείμ’ ντο ’κ’ είν’ να παίρ’νε σε
τη μαχαλάς παιδία;

[Και] Σ’ οσπιτόπο σ’ ολόερα
πόσα στρατόπα έχω;
Ισ̌μάρ’ όντες θα κρούγω σε,
πουλί μ’, θα ξεροβέχω

[Και -ν-] Όλεν την μέραν κελαηδώ
άμον Θεού πουλόπον
[Και] Μοναχόν χτίζω φωλέαν
σιμά σ’ εμόν τ’ αρνόπον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αρνόπον	αρνάκι, χαϊδευτική προσφώνηση γυναίκας
είν’	(για πληθ.) είναι
εμόν	δικός/ή/ό μου	ἐμοῦ
ισ̌μάρ’	νεύμα, νόημα	işmar/նշմար
’κ’	δεν	οὐκί<οὐχί
κρούγω	χτυπώ	κρούω
μαχαλάς	γειτονιάς	mahalle/maḥalle
ξεροβέχω	ξεροβήχω
όλεν	όλη/ο, ολόκληρη/ο
ολόερα	ολόγυρα
όντες	όταν
οσπιτόπο	σπιτάκι	hospitium<hospes + -όπον
παιδία	παιδιά
παίρ’νε	παίρνουν
πασ̌κείμ’	μήπως, μήπως (και)	πᾶς καί ἔνι
πουλόπον	πουλάκι
σημαδεύκεσαι	αρραβωνιάζεσαι, λογοδίνεσαι
στρατόπα	δρομάκια
φωλέαν	φωλιά
χωρία	χωριά