Εχιονίεν, ντό θ’ ευτάμε;

Προβολή Τραγουδιού

[Και -ν-] Έναν και μαναχόν είσαι
και τίναν θα κανείσαι;
[Και] Γομάτον έν’ ας ση σεβντάν
[και] το κρεβάτ’ ντο κείσαι

Εχ̌ι͜ονίεν, ντό θ’ ευτάμε;
Πουλί μ’, σο Κιλκίς θα πάμε
[Και -ν-] Αέτσ’ και καλορίζικον
[και] το παρακάθ’ ντ’ ευτάμε

[Και -ν-] Εκάθουμ’νε κι ερίαζα
πάντα τ’ εσά τα στράτας
Τιδέν άλλο, πουλί μ’, ’κ’ εποίν’να
για τ’ ολήμαυρα τ’ ομμάτια σ’

Εχ̌ι͜ονίεν, ντό θ’ ευτάμε;
Πουλί μ’, σο Κιλκίς θα πάμε
[Και -ν-] Αέτσ’ καλόν και -ν- έμορφον
[και] το παρακάθ’ ντ’ ευτάμε

[Και] Τ’ εμόν τ’ αρνίν μικρίκον έν’
ακόμαν πάει σχολείον
[Και] Ση εμορφάδες, έμορφον
[και] σο πόι κι άλλο καλλίον

Εχ̌ι͜ονίεν, ντό θ’ ευτάμε;
Πουλί μ’, ση Δράμα θα πάμε
[Και -ν-] Αέτσ’ και καλορίζικον
[και] το παρακάθ’ ντ’ ευτάμε

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
γομάτον	γεμάτο/η
εκάθουμ’νε	καθόμουν
εμόν	δικός/ή/ό μου	ἐμοῦ
έμορφον	όμορφο
έν’	είναι
εποίν’να	έκανα, έφτιαχνα	ποιέω-ῶ
ερίαζα	πρόσεχα, φυλούσα, επέβλεπα
εσά	δικά σου/σας
ευτάμε	κάνουμε, φτιάχνουμε	εὐθειάζω
εχ̌ι͜ονίεν	χιονίστηκε
’κ’	δεν	οὐκί<οὐχί
καλλίον	(επίθ.) καλύτερο, (επίρ.) καλύτερα
κανείσαι	αρκείς, είσαι αρκετός/ή
κείσαι	κείτεσαι, ξαπλώνεις
μαναχόν	(έναρθρο) μοναχός, μοναχό, (επίρρ) μόνο/μοναχά
μικρίκον	μικρούλης/α/ικο
ολήμαυρα	ολόμαυρα
παρακάθ’	συνάθροιση, ολονυχτία
πόι	ύψος, μπόι	boy
σεβντάν	αγάπη, έρωτα	sevda/sevdā
στράτας	(ονομ.) δρόμοι, (αιτ.) δρόμους
τιδέν	τίποτα
τίναν	ποιον/α