Είδα τ’ αρνόπο μ’

Προβολή Τραγουδιού

Είδα τ’ αρνόπο μ’, είδα ’το
είδα ’το απάν’ σ’ αστέρι͜α
Εκράτ’νεν σα χ̌ερόπα ’θε
δύο άσπρα περιστέρι͜α

Ανάθεμα σε όραμαν
αμὰν πώς ετελέθες!
Απέσ’ σην καρδι͜ά μ’ τ’ άψιμον
και την βρούλαν εφέκες

Ο φέγγον εξέβεν σο μεϊτάν’
ο ήλο̤ν πάει κι εκρύφτεν
Εφέκεν τ’ έναν περιστέρ’
να έρ’ται εμέν ευρήκ’ με

[Και -ν-] Ανάθεμα σε όραμαν
αμὰν πώς ετελέθες!
Απέσ’ σην καρδι͜ά μ’ τ’ άψιμον
και την βρούλαν εφέκες

Αγγέλ’ έστεσαν τον χορόν
ολόερα ας σ’ αρνόπο μ’
κι εγώ κάθουμαι σο ρακάν’
παίζω το κεμεντζ̌όπο μ’

[Και -ν-] Ανάθεμα σε όραμαν
αμὰν πώς ετελέθες!
Απέσ’ σην καρδι͜ά μ’ τ’ άψιμον
και την βρούλαν εφέκες

Γλωσσάρι

Κείμενο	Επεξήγηση	Ετυμ. Ρίζα
αγγέλ’	(ονομ. πληθ.) άγγελοι, (γεν.) αγγέλου
αμὰν	αμέσως, ευθύς, μονομιάς	hemen/hemān
απάν’	πάνω
απέσ’	μέσα
αρνόπο	αρνάκι, χαϊδευτική προσφώνηση γυναίκας
ας σ’	(ας σου) από του, από τότε που/αφότου, (ας σο) από το/τα
άψιμον	φωτιά
βρούλαν	φλόγα	brûler
εκράτ’νεν	κρατούσε
εκρύφτεν	κρύφτηκε
εξέβεν	βγήκε, ανέβηκε
έρ’ται	έρχεται
έστεσαν	έστησαν
ετελέθες	(αμτβ.) τελείωσες, εξαντλήθηκες, μτφ. πέθανες
ευρήκ’	βρίσκω/ει
εφέκεν	άφησε
εφέκες	άφησες
’θε	του/της
κεμεντζ̌όπο	(υποκορ.) λύρα	kemençe/kemānçe
μεϊτάν’	πλατεία, αλάνα	meydan/meydān
ολόερα	ολόγυρα
όραμαν	όνειρο
ρακάν’	γήλοφος
’το	αυτό, το (προσωπική αντωνυμία)
φέγγον	φεγγάρι
χ̌ερόπα	χεράκια