Όνερον γλυκύν

Προβολή Τραγουδιού

Καλλιτέχνες: Αντώνης Πηλαλίδης, Δημήτρης Ξενιτόπουλος

Αΐκον όνερον γλυκύν [πουλί μ’/αρνί μ’]
άλλο καμίαν ’κ’ είδα, [γιαρ/γιαρ, γιαρ]
Σα λίβι͜α ’τολανεύκουμ’νε [πουλί μ’/αρνί μ’]
σην γην ξάι ’κ’ εκατήβα [γιαρ/γιαρ, γιαρ]

Τα άστρι͜α θα παρακαλώ [πουλί μ’/αρνί μ’]
να μη στέκ’νε καμίαν, [γιαρ/γιαρ, γιαρ]
Όντες εμέναν θ’ αραεύ’ς [πουλί μ’/αρνί μ’]
να θάφ’νε την σκοτίαν [γιαρ/γιαρ, γιαρ]

Τέρεν τη φέγγονος το φως [πουλί μ’/αρνί μ’]
τιδέν πα μη φοάσαι, [γιαρ/γιαρ, γιαρ]
Εκεί, πουλί μ’, ευρίεται [γιαβρί μ’/αρνί μ’]
το ψ̌όπον π’ αγαπά σε [γιαρ/γιαρ, γιαρ]

Ποίσον, πουλί μ’, υπομονήν [πουλί μ’/αρνί μ’]
πολλά ’κι πάει, μερώνει [γιαρ/γιαρ, γιαρ]
Θα εγνεφίζω κι έρχουμαι [πουλί μ’/αρνί μ’]
μη είσαι μαναχόν-ι [γιαρ/γιαρ, γιαρ]

Γλωσσάρι

Κείμενο	Επεξήγηση	Ετυμ. Ρίζα
αΐκον	τέτοιο/α
αραεύ’ς	ψάχνεις, αναζητάς, γυρεύεις	aramak
άστρι͜α	άστρα
γιαβρί	μωρό, μικρό, παιδί	yavru
γιαρ	αγαπητός/ή/ό, αγάπη	yâr
γλυκύν	γλυκιά/ό
εγνεφίζω	ξυπνώ
εκατήβα	κατέβηκα
έρχουμαι	έρχομαι
ευρίεται	βρίσκεται
θάφ’νε	θάβουν
’κ’	δεν	οὐκί<οὐχί
καμίαν	ποτέ
’κι	δεν	οὐκί<οὐχί
λίβι͜α	σύννεφα	λίβος<λείβω
μαναχόν	(έναρθρο) μοναχός, μοναχό, (επίρρ) μόνο/μοναχά
μερώνει	ξημερώνει
ξάι	καθόλου
όνερον	όνειρο
όντες	όταν
πα	πάλι, επίσης, ακόμα
ποίσον	(προστ.) κάνε, φτιάξε	ποιέω, ποιῶ
πολλά	(επίθ.) πολλά, (επίρρ.) πολύ
σκοτίαν	σκοτάδι
στέκ’νε	στέκουν
τέρεν	(προστ.) κοίταξε
τιδέν	τίποτα
’τολανεύκουμ’νε	(ετολανεύκουμ’νε) έκοβα βόλτες, περιφερόμουν	dolanmak
φέγγονος	φεγγαριού
φοάσαι	φοβάσαι
ψ̌όπον	ψυχούλα