Προβολή Τραγουδιού

Έναν τσ̌ιζίν κι έναν καϊτέ

Καλλιτέχνες: Αντώνης Πηλαλίδης, Θεόφιλος Πουταχίδης

Ζωγράφ’ που εζωγράφεσαν
σ’ έναν κοντύλ’ μουράτι͜α
Τεΐ εθάρρ’ναν θ’ εβζήναν
τα τέρτι͜α ας σ’ ομμάτι͜α μ’

Εκάτσαν κα’ κι ολόερα
λογ̆ιών - λογ̆ιών κοντύλι͜α
Κι ο εις τον άλλον ’κ’ εδίν’ναν
έναν λόγον σα χ̌είλι͜α

Εβράδυνεν κι αγράνεμον
σ’ έναν τσ̌ιζίν εφάνθεν
Κι απέσ’ σο μαυρομέλανον
έναν ομούτ’ εχάθεν

Γλωσσάρι

Κείμενο	Επεξήγηση	Ετυμ. Ρίζα
αγράνεμον	άγριος άνεμος
απέσ’	μέσα
εβράδυνεν	βράδιασε
εδίν’ναν	έδιναν
εθάρρ’ναν	θαρρούσαν, νόμιζαν
εκάτσαν	κάθισαν
εφάνθεν	φάνηκε, εμφανίστηκε
εχάθεν	χάθηκε
ζωγράφ’	(οι) ζωγράφοι
’κ’	δεν	ουκί<οὐχί
κα’	κάτω
μουράτι͜α	επιθυμίες, πόθοι	murat/murād
ολόερα	ολόγυρα
ομμάτι͜α	μάτια
ομούτ’	ελπίδα	umut
τεΐ	τάχα, δήθεν, υποτίθεται	deyü (οθωμ.περ.)
τέρτι͜α	καημοί, βάσανα, στενοχώριες	dert
τσ̌ιζίν	γραμμή, αράδα	çizgi