Έλα, έλα κερβάνα μ’

Προβολή Τραγουδιού

Καλλιτέχνες: Γιώργος Αμαραντίδης, Ηλίας Υφαντίδης, Παντελής Νικολαΐδης

Έλα, έλα κερβάνα μ’,
έλα, έλα σ̌ορσ̌ότα μ’,
Να λελεύω σε!/Τρώγω τον Θεό σ’!
Άνοιξον τ’ εγκαλιόπο σ’
του παραδείσ’ την πόρταν
Να λελεύω σε!/Τρώγω τον Θεό σ’!

Έλα, έλα στερέα μ’,
έλα σ’ εμέν μερέαν
Να λελεύω σε!/Τρώγω τον Θεό σ’!
Απέσ’ σ’ άσπρα τα ψ̌όπα σ’
θα χτίζω τη φωλέα μ’
Να λελεύω σε!/Τρώγω τον Θεό σ’!

Έλα, έλα τρυγόνα μ’,
έλα, έλα χολχόνα μ’
Ποδεδίζω σε/Τρώγω τον Θεό σ’!
Έλα -ν- απάν’ σ’ ιχνάρι͜α μ’
και ρούξον σην εγκάλια μ’
Να λελεύω σε!/Τρώγω τον Θεό σ’!

Έλα, έλα το ποίημα μ’,
το μονάκριβο μ’, τ’ έναν
Ποδεδίζω σε/Τρώγω τον Θεό σ’!
Σο κρεβάτ’ ντο κοιμάσαι
ποίσον τόπον κι εμέναν
Να λελεύω σε!/Τρώγω τον Θεό σ’!

Κεμεντζ̌όπον, χ̌ειλιαύριν
Έλα, χόρεψον, γιάβρι μ’,
Ποδεδίζω σε/Τρώγω τον Θεό σ’!
απάν’ σην τραγωδία μ’
να χ̌αίρετ’ η καρδία μ’
Να λελεύω σε!
απάν’ σην τραγωδία μ’
έλα απάν’ ση λαλία μ’
να χ̌αίρετ’ η καρδία μ’
Τρώγω τον Θεό σ’!

Γλωσσάρι

Κείμενο	Επεξήγηση	Ετυμ. Ρίζα
άνοιξον	(προστ.) άνοιξε
απάν’	πάνω
απέσ’	μέσα
γιάβρι	μωρό, μικρό, παιδί	yavru
εγκάλια	αγκαλιά
εγκαλιόπο	αγκαλίτσα
ιχνάρι͜α	χνάρια, ίχνη
κεμεντζ̌όπον	(υποκορ.) λύρα	kemençe/kemānçe
κερβάνα	η αγελάδα που προπορεύεται της αγέλης	kervan/kārbān=καραβάνι
λαλία	λαλιά, φωνή
λελεύω	χαίρομαι
μερέαν	μεριά
παραδείσ’	παραδείσου
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
ποίσον	(προστ.) κάνε, φτιάξε	ποιέω, ποιῶ
ρούξον	(προστ.) πέσε
σ̌ορσ̌ότα	μυθικό πελώριο πτηνό
στερέα	στήριγμα
τραγωδία	τραγούδι
τρυγόνα	το πουλί τρυγόνι, χαϊδευτική προσφώνηση γυναίκας
φωλέα	φωλιά
χολχόνα	αγριόχορτο χοντρό και ψηλό	χολχόνι
χόρεψον	(προστ.) χόρεψε
ψ̌όπα	ψυχούλες