Προβολή Τραγουδιού
Την Δευτέραν είδ’ ατέναν |
Αυδές ΠόντουΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιώργος Αμαραντίδης, Ηλίας Υφαντίδης, Παντελής Νικολαΐδης
Εγάπη μ’, η εγάπη σου ανθεί τα μανουσ̌άκια Σην καρδι͜ά μ’ φέρ’ και τοπλαεύ’ τη κοσμί’ τα τσ̌ιτσ̌άκια Τη Δευτέραν είδ’ ατέναν, την Τρίτ’ επαρείδ’ ατέναν, την Τετράδ’ εφίλεσ’ ατεν, την Πέφτ’ εψαλάφεσ’ ατεν και την Παρασ̌κευήν έρθα ατέναν επεϊνεύτα τη Σάββαν εσημαδεύτα, την Κερεκήν επαντρεύτα Ας σ’ ομμάτι͜α σ’ κι ας σα χ̌είλι͜α σ’ σεβτι͜άν και μέλ’ υλίζ’νε Ν’ αηλί εκείνα τ’ ομμάτι͜α απ’ εσά που βολίζ’νε Τη Δευτέραν είδ’ ατέναν, την Τρίτ’ επαρείδ’ ατέναν, την Τετράδ’ εφίλεσ’ ατεν, την Πέφτ’ εψαλάφεσ’ ατεν και την Παρασ̌κευήν έρθα ατέναν επεϊνεύτα τη Σάββαν εσημαδεύτα, την Κερεκήν επαντρεύτα Εσύ επλάστες για τ’ εμέν κι εγώ πα για τ’ εσέναν Όσον θα ζω σο καρδόπο μ’ θα τρέχ̌’ τ’ εσόν το αίμαν Τη Δευτέραν είδ’ ατέναν, την Τρίτ’ επαρείδ’ ατέναν, την Τετράδ’ εφίλεσ’ ατεν, την Πέφτ’ εψαλάφεσ’ ατεν και την Παρασ̌κευήν έρθα ατέναν επεϊνεύτα τη Σάββαν εσημαδεύτα, την Κερεκήν επαντρεύτα Τη Δευτέραν είδ’ ατέναν, την Τρίτ’ επαρείδ’ ατέναν, την Τετράδ’ εφίλεσ’ ατεν, την Πέφτ’ εψαλάφεσ’ ατεν και την Παρασ̌κευήν έρθα ατέναν επεϊνεύτα τη Σάββαν εσημαδεύτα, την Κερεκήν επαντρεύτα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αηλί | αλίμονο | ἀ- + μεσαιωνική ελληνική ἠλί < εβραϊκά אל (θεός) | |
| ας σ’ | (ας σου) από του, από τότε που/αφότου, (ας σο) από το/τα | ||
| ας σα | απ’ τα | ασό σα (από τα) | |
| ατεν | αυτήν | ||
| ατέναν | αυτήν | ||
| βολίζ’νε | βουλιάζουν, βυθίζονται | ||
| εγάπη | αγάπη | ||
| επαντρεύτα | παντρεύτηκα | ||
| επαρείδ’ | παραείδα, φαντάστηκα | ||
| επεϊνεύτα | αρέστηκα, βρήκα της αρεσκείας μου | beğenmek | |
| επλάστες | πλάστηκες, δημιουργήθηκες, εμφανίστηκες | ||
| έρθα | ήρθα | ||
| εσά | δικά σου/σας | ||
| εσημαδεύτα | αρραβωνιάστηκα | ||
| εσόν | δικός/ή/ό σου | ||
| εφίλεσ’ | φίλησα | ||
| εψαλάφεσ’ | ζήτησα, αιτήθηκα | ||
| καρδόπο | καρδούλα | ||
| Κερεκήν | Κυριακή | ||
| κοσμί’ | κόσμου | ||
| μανουσ̌άκια | μενεξέδες/βιολέτες | մանուշակ (manušak)<manafšak | |
| μέλ’ | μέλι | ||
| ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
| ομμάτι͜α | μάτια | ||
| πα | πάλι, επίσης, ακόμα | ||
| Πέφτ’ | Πέμπτη | ||
| Σάββαν | Σάββατο | Shabbat | |
| σεβτι͜άν | έρωτα, αγάπη | sevda/sevdā | |
| Τετράδ’ | Τετάρτη | ||
| τοπλαεύ’ | μαζεύω/ει, συγκεντρώνω/ει | toplamak | |
| τρέχ̌’ | τρέχει | ||
| Τρίτ’ | Τρίτη | ||
| τσ̌ιτσ̌άκια | λουλούδια | çiçek | |
| υλίζ’νε | στραγγίζουν, διυλίζουν, καταστάζουν | ὑλίζω | |
| φέρ’ | φέρνω/ει |
