Προβολή Τραγουδιού

Πάμε απάν’ σ’ έναν ραχ̌ίν

Καλλιτέχνες: Μπάμπης Κεμανετζίδης, Πέλα Νικολαΐδη

Πάμε απάν’ σ’ έναν ραχ̌ίν
τα πουλόπα, εγώ κι εσύ
Κελαηδούνε για τ’ εμάς
τραγωδίας τη σεβντάς

Εκειαπάν’ έν’ η ζωή
σο παρχάρ’ και σο ραχ̌ίν
Τα τσ̌ιτσ̌έκια, τα δεντρά
και τα κρύα τα νερά

Γλυκοκελαηδεί τ’ αηδόν’
μ’ άστρα ο ουρανόν γομών’
Ο φέγγον την ψ̌ην μαεύ’
και το φίλεμαν ιεύ’

Όντες παίρ’, ψ̌η μ’, και μερών’
εγώ, εσύ κι ο Θεόν
Όρκον δίγομε και ευχ̌ήν
πάντα εντάμα ση ζωήν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
γομών’	γεμίζω/ει
δίγομε	δίνουμε
εκειαπάν’	εκεί πάνω
έν’	είναι
εντάμα	μαζί
ιεύ’	ταιριάζει	uymak
μαεύ’	μαγεύει
μερών’	μερώνει, ξημερώνει
όντες	όταν
παρχάρ’	ορεινός τόπος θερινής βοσκής
πουλόπα	πουλάκια
ραχ̌ίν	βουνό, ράχη
σεβντάς	αγάπης, έρωτα	sevda/sevdā
τραγωδίας	τραγούδια
τσ̌ιτσ̌έκια	λουλούδια	çiçek
φέγγον	φεγγάρι
φίλεμαν	φιλί
ψ̌η	ψυχή
ψ̌ην	ψυχή