Προβολή Τραγουδιού
Μάνας πόνον όντες ’κ’ έ͜εις
Σον όρκο σ’ πώς επίστεψα;Στιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Μπάμπης Κεμανετζίδης, Πέλα Νικολαΐδη
Μάνας πόνον όντες ’κ’ έ͜εις να γεννάς παιδίν και κλαις Θα ζεις και θα υποφέρτς την ζωήν πα άλλο ’κι θέλτς Ντό παράπονον τρανόν πάντα έ͜εις ας σον Θεόν «Μάνα» ακούς και στέκ’ς τερείς κι έρ’ται φαρμακούται η ψ̌η σ’ Πόσα ορώματα ευτάς κάποτε εσύ να γεννάς; Να τρανύντς α’ ση ζωήν και να δί’ς ατο ευχ̌ήν Ντό παράπονον τρανόν πάντα έ͜εις ας σον Θεόν «Μάνα» ακούς και στέκ’ς τερείς κι έρ’ται φαρμακούται η ψ̌η σ’ Και τη χώρας τα μωρά έ͜εις ατα άμον τ’ εσά Αγκαλι͜άεις και παίρτς χαράν μάναν είσαι εσύ πα Ντό παράπονον τρανόν πάντα έ͜εις ας σον Θεόν «Μάνα» ακούς και στέκ’ς τερείς κι έρ’ται φαρμακούται η ψ̌η σ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| άμον | σαν, όπως, καθώς | ||
| ατα | αυτά | ||
| δί’ς | δίνεις | ||
| έ͜εις | έχεις | ||
| έρ’ται | έρχεται | ||
| εσά | δικά σου/σας | ||
| ευτάς | κάνεις, φτιάχνεις | εὐθειάζω | |
| θέλτς | θέλεις | ||
| ’κ’ | δεν | ουκί<οὐχί | |
| ’κι | δεν | ουκί<οὐχί | |
| όντες | όταν | ||
| ορώματα | όνειρα, οράματα | ||
| πα | πάλι, επίσης | ||
| παίρτς | παίρνεις | ||
| στέκ’ς | στέκεσαι | ||
| τερείς | κοιτάς | ||
| τρανύντς | μεγαλώνεις | ||
| υποφέρτς | υποφέρεις | ||
| φαρμακούται | φαρμακώνεται | ||
| χώρας | ξένος/η/ο/οι γενικά, οι/το/τα μη οικείο/α, ξενιτειάς | ||
| ψ̌η | ψυχή |