Προβολή Τραγουδιού
Αρνί μ’, ντ’ επαρακάλεσα
Σον όρκο σ’ πώς επίστεψα;Στιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Μπάμπης Κεμανετζίδης, Πέλα Νικολαΐδη
Άστρον να έτον θ’ ερρούζ’νεν¹ με την παρακαλίαν και με τα δακρόπα τη ψ̌η σ’ θ’ εσβήουτουν φωτία Αρνί μ’, ντ’ επαρακάλεσα για το Θεό σ’, κανείται! Τ’ εσόν η καρδι͜ά ’κ’ έχ̌’ απέσ’ αίμαν για να χουλείται Το καρδόπο σ’, πουλόπο μου κρύον και παγωμένον Εγάπην ’κ’ έχ̌’ απέσ’ η ψ̌η σ’ καρδι͜άν ευκαιρωμένον Αρνί μ’, ντ’ επαρακάλεσα για το Θεό σ’, κανείται! Τ’ εσόν η καρδι͜ά ’κ’ έχ̌’ απέσ’ αίμαν για να χουλείται Πώς ν’ αγαπάς και ντό να λες; Αφού τ’ εσά τ’ ομμάτι͜α καμίαν ατά ’κ’ έκλαψαν με τη εγάπ’ς τα δάκρυ͜α Αρνί μ’, ντ’ επαρακάλεσα για το Θεό σ’, κανείται! Τ’ εσόν η καρδι͜ά ’κ’ έχ̌’ απέσ’ αίμαν για να χουλείται
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| ατά | αυτά | ||
| δακρόπα | δάκρυα | ||
| εγάπ’ς | αγάπης | ||
| επαρακάλεσα | παρακάλεσα | ||
| ερρούζ’νεν | έπεφτε | ||
| εσά | δικά σου/σας | ||
| εσβήουτουν | σβηνόταν | ||
| εσόν | δικός/ή/ό σου | ||
| έτον | ήταν | ||
| ευκαιρωμένον | αδειασμένο | ||
| έχ̌’ | έχει | ||
| ’κ’ | δεν | ουκί<οὐχί | |
| καμίαν | ποτέ | ||
| κανείται | φτάνει, είναι αρκετό | ||
| καρδόπο | καρδούλα | ||
| ομμάτι͜α | μάτια | ||
| παρακαλίαν | παράκληση | ||
| πουλόπο | πουλάκι | ||
| χουλείται | ζεσταίνεται | ||
| ψ̌η | ψυχή |
¹ Ακούγεται πιθ. εκ παραδρομής να τραγουδάει «έρρουζεν»