Προβολή Τραγουδιού
Ξαν το χ̌έρ’ απλώνω |
Σον όρκο σ’ πώς επίστεψα;Στιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Μπάμπης Κεμανετζίδης, Πέλα Νικολαΐδη
Έλα, πουλί μ’, έλα, γιαβρί μ’! Έλα, μη ζεις σον πόνον! Ατόσα έσυρα απ’ εσέν και ξαν το χ̌έρ’ απλώνω Έλα, πουλί μ’, μ’ εντρέπεσαι έ͜εις σην καρδία μ’ τόπον Και σην εγκάλι͜α μ’ χούλεμαν έλα, τ’ εμόν αρνόπον Έλα, πουλί μ’, έλα, γιαβρί μ’! Έλα, μη ζεις σον πόνον! Ατόσα έσυρα απ’ εσέν και ξαν το χ̌έρ’ απλώνω Εγώ, χολήν ξάι ’κι κρατώ για τ’ εσέναν σο ψ̌όπο μ’ Τα λάθι͜α και τα κρίματα είν’ για τ’ ανθρώπ’ς, πουλόπο μ’ Έλα, πουλί μ’, έλα, γιαβρί μ’! Έλα, μη ζεις σον πόνον! Ατόσα έσυρα απ’ εσέν και ξαν το χ̌έρ’ απλώνω Εγάπην π’ έχ̌’ σο καρδόπον σ’χωρά και ’κι θυμάται και σ’ όρωμαν ατ’ αναμέν’ όντες κείται κοιμάται Έλα, πουλί μ’, έλα, γιαβρί μ’! Έλα, μη ζεις σον πόνον! Ατόσα έσυρα απ’ εσέν και ξαν το χ̌έρ’ απλώνω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αναμέν’ | περιμένει | ||
| ανθρώπ’ς | ανθρώπους | ||
| αρνόπον | αρνάκι, χαϊδευτική προσφώνηση γυναίκας | ||
| γιαβρί | μωρό, μικρό, παιδί | yavru | |
| έ͜εις | έχεις | ||
| εγάπην | αγάπη | ||
| εγκάλι͜α | αγκαλιά | ||
| είν’ | (για πληθ.) είναι | ||
| εμόν | δικός/ή/ό μου | ἐμοῦ | |
| εντρέπεσαι | ντρέπεσαι | ||
| έσυρα | έσυρα, τράβηξα, έριξα | ||
| έχ̌’ | έχει | ||
| καρδόπον | καρδούλα | ||
| κείται | κείτεται, ξαπλώνει | ||
| ’κι | δεν | οὐκί<οὐχί | |
| λάθι͜α | λάθη | ||
| ξάι | καθόλου | ||
| ξαν | πάλι, ξανά | ||
| όντες | όταν | ||
| όρωμαν | όνειρο | ||
| πουλόπο | πουλάκι | ||
| σ’χωρά | συγχωρά | ||
| χ̌έρ’ | χέρι | ||
| χολήν | θυμό | ||
| χούλεμαν | ζέσταμα, θέρμανση | ||
| ψ̌όπο | ψυχούλα |
