Εγώ είμαι ας σο Πορτοράζ

Προβολή Τραγουδιού

Στιχουργοί: Παραδοσιακό, Χρήστος Παρχαρίδης

Καλλιτέχνες: Χαράλαμπος Παρχαρίδης, Χρήστος Παρχαρίδης

Εγώ είμαι ας σο Πορτοράζ¹,
έναν παλαλωμένον
Τρώγω και πίνω, λάσκουμαι
άμον σ̌ασ̌ιρεμένον

Σο Πορτοράζ τα πουλόπα
άλλο ’κι κελαηδούνε
Εδέβαν σα ραχ̌ία κιάν’
κι άλλο ’κι κελαηδούνε

Το Πορτοράζ και το Βελίσ’,²
σιμά - σιμά χωρία
Και [-ν- αρ’] γιὰ κ̂ουσμέτ’ να ’λέπ’ ατα,
τρυγόνι μ’, αλλομίαν;

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
άμον	σαν, όπως, καθώς	ἅμα
ατα	αυτά
εδέβαν	(για τόπο) πέρασαν, διέσχισαν, (για χρόνο) πέρασαν	διαβαίνω
κ̂ουσμέτ’	τυχερό, μοίρα, ριζικό	kısmet/ḳismet
’κι	δεν	οὐκί<οὐχί
κιάν’	και άνω, και εξής, και πέρα
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
’λέπ’	(ελέπ’) βλέπει/ω
παλαλωμένον	τρελαμένο
πουλόπα	πουλάκια
ραχ̌ία	ράχες, βουνά
σ̌ασ̌ιρεμένον	σαστισμένο, που τα έχει χαμένα	şaşırmak
τρυγόνι	το πουλί τρυγόνι, χαϊδευτική προσφώνηση γυναίκας
χωρία	χωριά

Σημειώσεις

¹ Παλιά ονομασία του χωριού Πρωτοχώρι Κοζάνης
² (ή Βελίστι) Παλιά ονομασία του χωριού Λευκοπηγή Κοζάνης